ساكەن مايعازيەۆ ونلاين-كونسەرت بەرەدى
«مادەنيەت جانە سپورت مينيسترلىگى مەن «قازاقتەلەكوم» ا ق بىرلەسىپ قولعا العان جوبا اياسىندا بۇگىن قازاقستاندىقتار ساكەن مايعازيەۆتىڭ اۋەزدى اندەرىن تىڭدايتىن بولادى. الداعى ۋاقىتتا تىڭدارمانداردىڭ ىستىق ىقىلاسىنا يە بولعان ءبىرقاتار ونەر مايتالمانىنا الاڭ ۇسىنباقپىز. مەملەكەت باسشىسىنىڭ بۇگىن بەرگەن باعاسى ءبىز ءۇشىن زور جاۋاپكەرشىلىك جۇكتەيتىن ۇلكەن ابىروي. الداعى ۋاقىتتا دا ەلىمىزگە توتەننەن كەلگەن قيىندىقتى بىرگە ەڭسەرۋگە ءوز ۇلەسىمىزدى قوسامىز. #Birgemiz»، - دەدى مادەنيەت جانە سپورت ءمينيسترى اقتوتى رايىمقۇلوۆا مينيسترلىكتىڭ Facebook پاراقشاسىندا جاريالانعان اقپاراتتا.
ەلىمىزدە توتەنشە جاعداي جاريالانىپ، جۇرت قيىندىقتى ەڭسەرۋگە «#Birgemiz» دەپ كىرىسكەن تۇستا، مادەنيەت جانە سپورت مينيسترلىگى بىرنەشە ونلاين-جوبانى قولعا العان ەدى. ولاردىڭ اراسىندا ونەر سۇيەر قاۋىمعا ارنالعان «كارانتيندەگى جۇلدىز» جوباسى دا بار.
23-ناۋرىزدان باستاۋ العان جوبا اياسىندا كەشە كورەرمەندەر تىكەلەي ەفيردە ەلىمىزدىڭ ماقتانىشى روزا قۋانىش قىزىنىڭ اندەرىن تىڭدادى. وزدەرىنىڭ ونلاين- كونسەرتتەرىن بۇعان دەيىن جۇبانىش جەكسەن ۇلى، جەڭىس سەيدوللا ۇلى، عادىلبەك جاڭاي بەرگەن بولاتىن. ازعانتاي ۋاقىتتا كورەرمەنىن تاۋىپ، ومىرشەڭدىگىن كورسەتكەن جۇلدىزدى جوبا ونلاين فورماتتا جالعاسا بەرەدى.
ايتا كەتەيىك، بۇگىن مەملەكەت باسشىسى قاسىم-جومارت توقايەۆ ەسترادا ءانشىسى روزا رىمبايەۆاعا ونلاين- كونسەرت ءۇشىن العىس بىلدىرگەن بولاتىن.
اۆتور: مارلان جيەمباي