كوروناۆيرۋس: الماتىدا ۆيرۋستى جاڭادان جۇقتىرعانداردىڭ قايدان كەلگەنى انىقتالدى

None
None
الماتى. قازاقپارات - قازىرگى كەزدە الماتى قالاسىندا كوروناۆيرۋس جۇقتىرۋدىڭ 48 راستالعان جاعدايى انىقتالىپ، 1 ادام جازىلىپ شىقتى.

بۇل تۋرالى قوعامدىق دەنساۋلىق باسقارماسىنىڭ باسشىسى تىلەۋحان ابىلدايەۆ ونلاين-بريفينگ بارىسىندا ايتتى، دەپ حابارلايدى قازاقپارات ءتىلشىسى.

«جاڭادان انىقتالعان بەس ادامنىڭ ىشىنەن تورتەۋى 26-ناۋرىزدا مينسك- الماتى رەيسىمەن ۇشىپ كەلدى، بىرەۋى 26-ناۋرىزدا ماسكەۋ- الماتى رەيسىمەن ۇشىپ كەلدى. اۋىرعانداردىڭ ءبىرى 15-ناۋرىزدا ىستانبۇل - الماتى رەيسىمەن ۇشىپ كەلدى، 18-ناۋرىزدا جاقىن بايلانىس جاساۋشى رەتىندە وقشاۋلانعان، باستاپقى تالداۋ قورىتىندىلارى تەرىس ناتيجە بەرگەن. 2020 -جىلعى 26-ناۋرىزدا تالداۋدى قايتا تاپسىرعان كەزدە وڭ ناتيجە شىقتى، وسى ۋاقىت بويى ول وقشاۋلاۋدا بولدى. جالپى، 45 ناۋقاس جاي-كۇيى - قاناعاتتانارلىق، ءو ج ج اپپاراتىنداعى ايەلدىڭ جاعدايى اۋىر جانە 1 بالادا اۋىرلىعى ورتاشا دارەجەدە جاقسارۋدا»، - دەيدى تىلەۋحان ابىلدايەۆ.

قازىرگى ۋاقىتتا پروۆيزورلىق ورتالىقتاردا 1099 ادام بار، ونىڭ ىشىندە 72 ى - بالا. كارانتيندىك ورتالىقتاردا 471 ادام بار. ءۇي كارانتينىندە 2037 ادام.

«كارانتيندەگى بارلىق ادامنىڭ دەنە تەمپەراتۋراسى قالىپتى جاعدايدا، كاتارالدىق سيمپتومدارى جوق. ەلگە قايسى ءبىر ەلدەن ۇشىپ كەلسە دە، تالداۋلار تاپسىرۋ ءۇشىن ەكىكۇندىك كارانتينگە ورنالاستىرىلاتىندىعىن ەستەرىڭىزگە سالا كەتەيىك. مۇنداي شارالار حالىق اراسىندا كوروناۆيرۋستىق ينفەكتسيانىڭ تارالۋىن بولدىرماۋ ءۇشىن قابىلداندى. ولاردان COVID-19-عا تالداۋلار الىناتىن بولادى، ەگەر ينفەكتسيا راستالماسا، ولار ۇيلەرىنە شىعارىلادى»، - دەپ قورتىندىلادى ول.

ەسكە سالايىق، كەشە ءبىر ايەل ەمدەلىپ ۇيىنە شىعارىلعان بولاتىن. ول ەندى ەمحانا قىزمەتكەرلەرىنىڭ 14 كۇندىك باقىلاۋىمەن ۇيىندە بولادى.

اۆتور: الما مۇقانوۆا

سوڭعى جاڭالىقتار