+7 (701) 759 90 19
-2 °С : نۇر-سۇلتان
4 °С : الماتى
USD 435.54 EUR 473.08
RUB 5.76 CNY 61.64
جاڭالىقتار

جامبىل وبلىسىنىڭ دارىگەرلەرى كوروناۆيرۋس جۇقتىرعانداردىڭ جاعدايى تۋرالى ايتتى

27 ناۋرىز 13:09
:ءبولىسۋ
جامبىل وبلىسىنىڭ دارىگەرلەرى كوروناۆيرۋس جۇقتىرعانداردىڭ جاعدايى تۋرالى ايتتى

نۇر-سۇلتان. قازاقپارات - جامبىل وبلىسى دەنساۋلىق ساقتاۋ باسقارماسىنىڭ باسشىسى مارات جۇمانقۇلوۆ كوروناۆيرۋس جۇقتىرعانداردىڭ دەنساۋلىق جاعدايى تۋرالى ايتىپ بەردى، دەپ حابارلايدى قازاقپارات ءتىلشىسى.

«سوڭعى وتكەن تاۋلىكتىڭ ىشىندە جامبىل وبلىسىندا كوروناۆيرۋس ىندەتىن جۇقتىرۋدىڭ ەكى وقيعاسى تىركەلدى. جالپى، تىركەلگەن ءۇش وقيعاعا توقتالساق، ولاردىڭ ءبىر- بىرىمەن بايلانىسى جوق. ءبىراق وسى ادامداردىڭ بارلىعى قىرعىزستاننان كەلىپ وتىر. بۇل ادامدار قازاقستانعا ءار كۇندەرى كەلگەن»، - دەدى م. جۇمانقۇلوۆ حابار 24 تەلەارناسىندا وتكەن ونلاين بريفينگتە.


ونىڭ سوزىنە قاراعاندا، ءبىر ازامات قورداي اۋدانىنىڭ 1974 -جىلعى تۇرعىنى. قىرعىزستاننان شەكارانى وتكەن كەزدە، بەكىتىلگەن تارتىپكە سايكەس، كارانتينگە وقشاۋلانعان. زەرتتەۋ ناتيجەسىندە ينفەكسيا شىققاننان كەيىن، بۇل ناۋقاسپەن تىعىز قارىم- قاتىناستا بولعان ادامدار انىقتالدى. بۇگىنگى تاڭدا ولاردىڭ بارلىعى وقشاۋلاندى.

«ءۇشىنشى وقيعا بويىنشا توقتالساق، ناۋقاس قورداي اۋدانىنىڭ تۇرعىنى. بۇل ازامات تا بىزگە قىرعىزستاننان ءوتىپ وتىر. بەكىتىلگەن الگوريتم بويىنشا بارلىق مەملەكەتتىك ورگاندار ءتيىستى جۇمىستاردى اتقارىپ، وسى كىسىمەن قارىم- قاتىناستا بولعان ادامداردى انىقتادى. ول ادامدار كارانتيندىك ستاتسيونارعا جاتقىزىلعان»، - دەپ ناقتىلادى باسقارما باسشىسى. ونىڭ اتاپ وتۋىنشە، ىندەت جۇقتىرعان ادامداردىڭ دەنساۋلىق جاعدايى ءبىر قالىپتى.

«ولاردىڭ دەنساۋلىقتارىنا شاعىم جوق. بەكىتىلگەن ءتارتىپ بويىنش ەم- دوم جاسالۋدا. وقشاۋلانعان ادامداردىڭ دا جاعدايى قاناعاتتانارلىق، ياعني دەنساۋلىقتارىنا شاعىم جوق. ولاردىڭ بارلىعى مەديتسينالىق باقىلاۋدا بولادى»، - دەدى مارات جۇمانقۇلوۆ.

ايتا كەتەيىك، جامبىل وبلىسىندا ىندەتكە شالدىعۋدىڭ العاشقى جاعدايى 24-ناۋرىزدا تىركەلدى. ول - جامبىل وبلىسى شۋ اۋدانىنىڭ تۇرعىنى. وڭىرگە قىرعىزستان رەسپۋبليكاسىنان كەلگەن. 24-ناۋرىز كۇنى وبلىستىق كارانتيندىك ستاتسيونارعا جاتقىزىلدى.



باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات