كارانتين تۋرالى جالعان اقپارات تاراتقان قوستانايلىق ۇستالدى
«WhatsApp جەلىسىندە 2020 -جىلعى 29-ناۋرىزدا قوستاناي، ليساكوۆسك، رۋدنىي، توبىل قالالارىنىڭ كارانتينگە جابىلاتىنى تۋرالى جالعان اقپارات تارادى. وسى دەرەك بويىنشا مەڭدىقارا اۋدانى، قاسقات اۋىلىنىڭ 28 جاستاعى تۇرعىنى ۇستالدى. ول الەۋمەتتىك جەلىدە لومونوسوۆ اۋىلىنىڭ تۇرعىندارىنا كارانتين تۋرالى ەسكەرتۋ جاساعان»، - دەدى ۆەدومستۆونىڭ باسپا ءسوز قىزمەتىندەگىلەر.
قازىر ەر ادامعا ق ر ق ك 274-بابى «ت ج جاعدايىندا اقپاراتتى كورىنەۋ جالعان تاراتۋ» بويىنشا ايىپ تاعىلدى. ونىڭ كىناسى دالەلدەنسە، 3 جىلعا دەيىن باس بوستاندىعىنان ايىرىلۋى مۇمكىن. جەرگىلىكتى پوليتسيا قىزمەتى باسقارماسىنىڭ باستىعى قۇرمەت ماجىكەنوۆ وبلىس بويىنشا ءجۇرىپ- تۇرۋعا تىيىم سالىنباعانىن اتاپ ءوتتى. سونداي-اق، پوليتسيا الماتى جانە نۇر-سۇلتان قالالارىنا شىعۋعا تىيىم سالۋ بويىنشا ءتۇسىندىرۋ جۇمىستارىن جۇرگىزۋدە.
اۆتور: قاسقىرباي قويشىمانوۆ