+7 (701) 759 90 19
0 °С : نۇر-سۇلتان
5 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

قازاقستاندا ت ج كەزىندە اتاۋلى الەۋمەتتىك كومەك قالاي تاعايىندالادى

27 ناۋرىز 11:40
:ءبولىسۋ
قازاقستاندا ت ج كەزىندە اتاۋلى الەۋمەتتىك كومەك قالاي تاعايىندالادى

نۇر-سۇلتان. قازاقپارات - توتەنشە جاعداي كەزىندە قازاقستاندىقتار اتاۋلى الەۋمەتتىك كومەكتى مەملەكەتتىك مەكەمەلەرگە جۇگىنبەي الا الادى، دەپ حابارلايدى قازاقپارات.

«بيىلعى ءساۋىر ايىنان باستاپ قازاقستاندىقتار توتەنشە جاعداي كەزىندە مەملەكەتتىك ورگاندارمەن بايلانىسسىز اتاۋلى الەۋمەتتىك كومەكتى (ا ءا ك) الا باستايدى. الەۋمەتتىك كومەكتى قايتا تاعايىنداۋ ءۇشىن مەملەكەتتىك ورگانداردىڭ اقپاراتتىق بازالارى ارقىلى دەرەكتەردى تەكسەرۋ جۇرگىزىلەدى. اتاپ ايتقاندا، تۇرعىلىقتى جەرى بويىنشا تىركەۋ، جىلجىمايتىن مۇلىكتىڭ بار-جوعى، كىرىستەر قامتىلادى. ەگەر وتباسى قۇرامى وزگەرمەگەن جاعدايدا، تاعايىنداۋعا ءوتىنىش قولدا بار دەرەكتەر نەگىزىندە قالىپتاستىرىلاتىن بولادى.

بۇل ءۇشىن حالىقتى جۇمىسپەن قامتۋ ورتالىقتارىنىڭ قىزمەتكەرلەرى 1-توقساندا ا ءا ك العان ازاماتتار ءۇشىن ءوز بەتىنشە ءوتىنىش جاسايدى جانە ا ءا ك تاعايىنداۋ ولشەمدەرىنە سايكەستىگىن تەكسەرەدى»، - دەلىنگەن ەڭبەك جانە حالىقتى الەۋمەتتىك قورعاۋ مينيسترلىگى حابارلاماسىندا. بۇل تۇرعىدا بارلىق اقپارات، سونداي-اق حابارلامالار ەلەكتروندىق پوشتا نەمەسە مەسسەندجەرلەر ارقىلى جىبەرىلەتىن بولادى. 1-توقساندا اتاۋلى الەۋمەتتىك كومەك الماعان ازاماتتارعا ا ءا ك تاعايىنداۋ ءۇشىن egov.kz پورتالى ارقىلى ءوتىنىش جىبەرۋ قاجەت.

ءارى قاراي جۇمىسپەن قامتۋ ورتالىقتارىنىڭ قىزمەتكەرلەرى قۇجاتتاردى مەملەكەتتىك ورگانداردىڭ مالىمەتتەر بازاسىندا تەكسەرىپ، ناتيجەسىن ەلەكتروندىق پوشتا نەمەسە مەسسەندجەرلەر ارقىلى حابارلايدى. بۇل رەتتە ۋچاسكەلىك كوميسسيالار كوشپەلى تەكسەرۋلەر جۇرگىزبەيدى.

بارلىق قاجەتتى قۇجاتتاردى ازاماتتاردان ەلەكتروندىق پوشتا ارقىلى نەمەسە مەسسەندجەرلەر ارقىلى سۇراتاتىن بولادى.

ەستەرىڭىزگە سالا كەتەيىك، بيىلدىڭ باسىنان بەرى ا ءا ك الۋشىلار 102,4 مىڭ وتباسى نەمەسە 527,6 مىڭ ادام بولدى. ا ءا ك الۋشىلاردىڭ 41,5 پايىزىن كوپبالالى وتباسىلار قۇرادى.


اۆتور: رۋسلان عابباسوۆ


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات