+7 (701) 759 90 19
-1 °С : نۇر-سۇلتان
-3 °С : الماتى
USD 430.51 EUR 505.72
RUB 5.51 CNY 64.14
جاڭالىقتار

تۇرعىن ءۇي بانكى تولەمدى كەيىنگە شەگەرۋدى اۆتوماتتى تۇردە جۇزەگە اسىرادى

27 ناۋرىز 11:25
:ءبولىسۋ
تۇرعىن ءۇي بانكى تولەمدى كەيىنگە شەگەرۋدى اۆتوماتتى تۇردە جۇزەگە اسىرادى

نۇر-سۇلتان. قازاقپارات - تۇرعىن ءۇي قۇرىلىس جيناق بانكى كليەنتتەرگە تولەمدى كەيىنگە شەگەرۋدى اۆتوماتتى تۇردە قوسىمشا قۇجاتتاردى تالاپ ەتپەي جۇزەگە اسىرادى، دەپ حابارلايدى قازاقپارات بانكتىڭ باسپا ءسوز قىزمەتىنە سىلتەمە جاساپ.

تۇرعىن ءۇي قۇرىلىس جيناق بانكى ۋاقىتشا قارجىلىق قيىندىققا ۇشىراعان كليەنتتەرىنە 2020 -جىلعى 16-ناۋرىزدان كەيىن وتەلۋى ءتيىس تولەمدى 90 كۇنگە شەگەرۋگە مۇمكىندىك بەرەدى. شەگەرىلگەن تولەمگە نەگىزگى قارىز دا، نەسيە سىياقىسى دا كىرەدى. بۇل كليەنت جازعان ءوتىنىشتىڭ نەگىزىندە جۇزەگە اسىرىلادى. وتىنىشتە كەيىنگە شەگەرۋدىڭ نە سەبەپتى قاجەت بولعانىن كورسەتۋ كەرەك، ءبىراق بانك قوسىمشا راستاۋ قۇجاتتارىن تالاپ ەتپەيدى.

تولەمدى كەيىنگە شەگەرۋ مۇمكىندىگى اۆتوماتتى تۇردە بەرىلەدى. بۇل شارا كوروناۆيرۋس تارالۋىنىڭ الدىن- الۋ ماقساتىندا ەلدە توتەنشە جاعدايدىڭ ەنگىزىلۋىنە جانە نۇر-سۇلتان مەن الماتى قالالارىندا كارانتين جاريالانعانىنا بايلانىستى ورىن العان دەپ قارجى ينستيتۋتىنىڭ باسپا ءسوز قىزمەتى حابارلايدى.

«تولەمدى شەگەرۋ تۋرالى ءوتىنىش 2020 -جىلعى 15-ساۋىردەن باستاپ ينتەرنەت-بانكينگ ارقىلى قابىلدانادى. بارلىق ءوتىنىش ماقۇلدانادى. شەگەرۋدى 2020 -جىلعى 16-ناۋرىزدان كەيىن وتەلۋى ءتيىس تولەمدەرگە قاتىستى قولدانۋعا بولادى. ونلاين-ءوتىنىش بەرۋ كەزىندە 2020 -جىلدىڭ 16 -ناۋرىزىنداعى جاعداي بويىنشا ۋاقتىلى وتەلمەگەن نەسيە تولەمى بولماۋى كەرەك»، - دەپ ەسكەرتتى بانكتىڭ باسقارما ءتورايىمى لياززات يبراگيموۆا.

بانك باسشىسى بارلىق ازاماتتى توتەنشە جاعدايدى ەسكەرە وتىرىپ، وقشاۋلانۋ ەرەجەلەرىن ساقتاۋعا جانە بانك بولىمشەلەرىنە بارماۋعا شاقىردى. تولەمدى كەيىنگە شەگەرۋ نەسيە مەرزىمىن 3 ايعا ۇزارتۋ ارقىلى جۇرەدى. بۇل كليەنتتەرگە اي سايىنعى تولەم كولەمىن قالىپتى دەڭگەيدە ۇستاپ قالۋعا كومەكتەسەدى. بانك الدىن-الا جانە ارالىق زاەم الۋشىلاردى ولاردىڭ تۇرعىن ءۇي زاەمىنا ءوتۋ مەرزىمى شەگەرۋ ۋاقىتىنا ۇزارتىلاتىنىنا نازار اۋدارۋىن ءوتىندى.

2020 -جىلعى 16-ناۋرىز بەن 16-ماۋسىم ارالىعىندا ۋاقتىلى وتەلمەگەن تولەمدەر بويىنشا ايىپپۇل جانە ءوسىمپۇل الىنبايدى. وسى ءۇش اي ىشىندە كليەنت نەگىزگى قارىز بەن سىياقىنى وزىنە ىڭعايلى ۋاقىت پەن كۇنى تولىق وتەسە، تولەمدەردى كەيىنگە شەگەرۋ تۋرالى ءوتىنىشتى بەرمەي-اق، قولايلى نەسيە وتەۋ كەستەسىن تاڭداپ، ايدىڭ كەز كەلگەن كۇنىندە قارىزدى وتەي الادى. مۇنى ۇيدەن شىقپاي-اق ونلاين جاساۋعا بولادى. 2020 -جىلعى 30-ناۋرىزدان باستاپ كارانتين اياقتالعانشا قازاقستان اۋماعىنداعى بارلىق فيليالدا تۇرعىن ءۇي قۇرىلىس جيناق بانكى كليەنتتەرگە قىزمەت كورسەتۋدىڭ جاڭا نۇسقاسىنا وتەدى. بولىمشەلەردە نەسيە وتىنىشتەرىن قابىلداۋ، پوستكرەديت جانە پوستدەپوزيت وپەراتسيالاردى وتكىزۋ ۋاقىتشا توقتاتىلادى.

بۇل كەزدە كليەنت بانككە كەلىپ، تەك ەكى وپەراتسيانى قولدانا الادى: دەپوزيتتى ءبولۋ/توقتاتۋ ارقىلى اقشاسىن الۋ، سونداي-اق زاەمنىڭ ءبىر بولىگىن جابۋ نەمەسە ونى تولىقتاي وتەۋ. بۇل وپەراتسيالاردى پايدالانۋ ءۇشىن بانك سايتىنداعى ونلاين- برونداۋ ارقىلى الدىن-الا جازىلۋ كەرەك. باسقا جاعدايلاردا بانك كوروناۆيرۋستى تاراتپاۋ ماقساتىندا كليەنتتەرگە قىزمەت كورسەتۋدەن باس تارتۋعا ءماجبۇر بولادى.

نوتاريۋستاردىڭ جۇمىسىنا تىيىم سالىنباسا، 27-ناۋرىز 18.00 گە دەيىن بەرىلگەن جانە ماقۇلدانعان بارلىق نەسيە ءوتىنىشى كليەنتتى تەلەفونمەن جەكە حابارلاسىپ شاقىرۋ ارقىلى بەرىلەتىن بولادى. قازىر بانك 1000 شاماسىنداعى نەسيە ءوتىنىشىن قاراستىرىپ جاتىر، 200 ءوتىنىش بەرىلۋ كەزەڭىندە. بانك كارانتين اياقتالعانشا ساتىپ الۋ- ساتۋ مامىلەسىن جاساسپاۋعا شاقىرادى. نەسيە وتەۋ جانە دەپوزيت تولىقتىرۋ ىڭعايلى بولۋى ءۇشىن قالاداعى كارانتين رەجيمىندە اشىق تۇرعان ورىنداردا ورنالاسقان تولەم تەرمينالدارى ىستەيدى.

الايدا بانك ساۋدا-ويىن ورتالىعى مەن بازار ىزدەپ قالادا جۇرمەي، تولەمدى ج س س ب 24 ينتەرنەت- بانكينگى ارقىلى جۇرگىزۋگە شاقىرادى. مۇندا كەز كەلگەن بانكتىڭ تولەم كارتاسىن قولدانۋعا بولادى.

«قازاقستاننىڭ تۇرعىن ءۇي قۇرىلىس جيناق بانكى» ا ق - ەلىمىزدەگى تۇرعىن ءۇي قۇرىلىس جيناق جۇيەسىن جۇزەگە اسىراتىن بىردەن- ءبىر بانك. ۇيىم ەۋروپالىق قۇرىلىس جيناق كاسسالارى فەدەراتسياسىنا (ە ق ج ك ف) جانە حالىقارالىق تۇرعىن ءۇيدى قارجىلاندىرۋ وداعىنا كىرەدى. تۇرعىن ءۇي قۇرىلىس جيناق بانكىنىڭ جالعىز اكسيونەرى - «بايتەرەك» ۇلتتىق باسقارۋشى حولدينگى» ا ق.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات