+7 (701) 759 90 19
-2 °С : نۇر-سۇلتان
4 °С : الماتى
USD 435.54 EUR 473.08
RUB 5.76 CNY 61.64
جاڭالىقتار

شىمكەنت اۋماعىنا كولىك پەن ازاماتتاردىڭ كىرىپ-شىعۋىنا شەكتەۋ قويىلدى

27 ناۋرىز 10:31
:ءبولىسۋ
شىمكەنت اۋماعىنا كولىك پەن ازاماتتاردىڭ كىرىپ-شىعۋىنا شەكتەۋ قويىلدى

شىمكەنت. قازاقپارات - شىمكەنت قالاسىنىڭ اۋماعىنا اۆتوكولىك مەن ازاماتتاردىڭ كىرۋىنە جانە شىعۋىنا شەكتەۋ قويىلدى.

بۇل تۋرالى شۇعىل تۇردە مالىمدەمە تاراتقان قالا اكىمى مۇرات ايتەنوۆ ايتىپ ءوتتى، دەپ حابارلايدى قازاقپارات ءتىلشىسى.

شاھار باسشىسىنىڭ حابارلاۋىنشا، شىمكەنت قالاسىنىڭ ەكى تۇرعىنى قاۋىپتى ىندەتتى جۇقتىرعانى قاتتى الاڭداۋشىلىق تۋعىزىپ وتىر. قازىر ناۋقاستار قالالىق ينفەكتسيالىق اۋرۋحانادا ەمدەلۋدە، دەنساۋلىقتارى ءبىرقالىپتى. ال، قاۋىپتى ىندەتتىڭ تارالىپ كەتپەۋى ءۇشىن ولار تۇرعان ەلدى مەكەن وقشاۋلانادى.

«ول ادامدارمەن بايلانىستا بولعان 26 ادام كارانتينگە جاتقىزىلىپ، تەست ساراپتاماسى الىندى. قازىرگى تاڭدا ناتيجەسى كۇتىلۋدە. وسى ەكى ادامنىڭ تۇرعىلىقتى جايى قالاعا قاراستى اباي اۋدانى، «تاۋەلسىزدىككە 20 جىل» تۇرعىن الابى بولعاندىقتان، وسى ەلدى مەكەن 14 كۇنگە كارانتينگە جابىلدى. سونىمەن قاتار، قالاداعى اۆتوۆوكزال مەن اۆتوبەكەتتەردىڭ جانە بالاباقشالاردىڭ جۇمىسى ۋاقىتشا توقتاتىلدى»، - دەدى مۇرات ايتەنوۆ.

قالا اكىمى سونىمەن قاتار ينفەكتسيانىڭ تارالۋىنا جول بەرمەۋ ءۇشىن، 28- ناۋرىزدا تۇنگى ساعات 00:00 دەن باستاپ شاھاردا ءبىراتار شەكتەۋ شارالارى ەنگىزىلەدى. بۇل شارالار قازاقستان رەسپۋبليكاسى پرەزيدەنتى جانىنداعى توتەنشە جاعداي رەجىمىن قامتاماسىز ەتۋ جونىندەگى مەملەكەتتىك كوميسسيانىڭ كەلىسىمىنە سايكەس جۇرگىزىلەدى.

«بىرىنشىدەن، شىمكەنت قالاسى اۋەجايىنىڭ، تەمىرجول ۆوكزالىنىڭ جۇمىستارى، اۆيا جانە تەمىرجول قاتىناستارى تولىق توقتاتىلادى. سونىمەن قاتار، اۆتوكولىك بازارلارى، ازىق-تۇلىك جارمەڭكەلەرى، موبيلدى تەلەفون ساتاتىن دۇكەندەردىڭ جۇمىسى توقتاتىلادى. بۇل رەتتە، قالا تۇرعىندارى مەن قوناقتارىنا، كوممەرتسيالىق جانە كوممەرتسيالىق ەمەس ۇيىمدارعا مەنشىك تۇرىنە قاراماستان بارلىق جايلاردا، تۇرعىن ۇيلەردە جانە اۋماقتاردا، ءدىني نىسانداردا جەكە، وتباسىلىق، ەسكە الۋ ءىس-شارالارىن جانە باسقا دا سالتاناتتار، جيىندار وتكىزۋگە قاتاڭ تىيىم سالىنادى. بارلىق ساۋدا نىساندارىنا ءوز تاۋارلارى مەن قىزمەتتەرىن ساتۋدا ونلاين رەجامگە كوشۋدى ۇسىنامىن»، - دەدى قالا اكىمى مۇرات ايتەنوۆ.

ەكىنشىدەن، بۇعان دەيىن قىزمەتىنە شەكتەۋ ەنگىزىلگەن بارلىق ساۋدا جانە باسقا دا نىسانداردا، كەلۋشىلەر مەن ساتۋشىلار ءۇشىن مەديتسينالىق بەتپەردەلەردى كيۋدى تالاپ ەتەتىن سانيتارلىق جانە دەزينفەكتسيالىق شارالار كۇشەيتىلەدى. سونىمەن قاتار، مال بازارلارى تەك جەكسەنبى كۇنى ساعات 11:00 دەن 17:00 گە دەيىن جۇمىس ىستەيتىن بولادى.

«ۇشىنشىدەن، قوعامدىق تاماقتانۋ ورىندارىنىڭ (كافە، مەيرامحانا جانە تاعى باسقالار) قىزمەتىنە كۇندىزگى ساعات 10:00 دەن 18.00 گە دەيىن شەكتەۋ ەنگىزىلەدى. ال، ساعات 18 دەن 22 گە دەيىن قوعامدىق تاماقتانۋ ورىندارىنىڭ جۇمىسىن «تاعامداردى ۇيگە جەتكىزۋ جانە وزىمەن الىپ كەتۋ» رەجىمىندە جۇزەگە اسىرىلادى.

سونداي-اق، تاماقتانۋ ورىندارى كىرەبەرىستە كليەنتتەردىڭ تەمپەراتۋراسىن باقىلاۋعا جانە قولدارىن سانيتارلىق وڭدەۋگە مىندەتتى.

كليەنتتەردى «كەلۋشىلەر اراسىندا ءبىر بوس ۇستەل قاشىقتىعى» فورماتى بويىنشا، زالدا 50 ادامنان اسپاي وتىرعىزۋعا مىندەتتى.

تورتىنشىدەن، شىمكەنت قالاسىنىڭ اۋماعىنا ساعات كەشكى 21.00 دەن تاڭعى ساعات 07:00 گە دەيىن اۆتوكولىكتەر مەن ازاماتتاردىڭ كىرۋىنە جانە شىعۋىنا تىيىم سالىنادى. بۇل شەكتەۋلەردىڭ ترانزيتتىك كولىكتەر مەن ازىق-تۇلىك تاسىمالدايتىن كولىكتەرگە قاتىسى جوق.

بەسىنشىدەن، قالاداعى قوعامدىق كولىكتەردىڭ جۇمىسى تاڭعى ساعات 06:00 دەن 21:00 گە دەيىن شەكتەلەدى»، - دەدى قالا اكىمى مۇرات ايتەنوۆ.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات