فۋتزال: قازاقستاندىق قاقپاشى الەمنىڭ ۇزدىگى اتاندى

نۇر-سۇلتان. قازاقپارات - فۋتزالدان قازاقستان قۇراماسى مەن الماتىنىڭ «قايرات» كومانداسىنىڭ قاقپاشىسى يگيتا (تولىق اتى-ءجونى لەوناردو دە مەلو ۆيەيرا لەيتە) الەمنىڭ ۇزدىك قاقپاشىسى اتاندى، دەپ حابارلايدى قازاقپارات ءتىلشىسى قازاقستان فۋتبول فەدەراتسياسىنا سىلتەمە جاساپ.

«Futsal Planet Awards» تۇراقتى تۇردە الەمدىك فۋتزالداعى ۇزدىكتەردى انىقتايدى.

بيىل بۇل شاراعا بارلىعى 244 رەسپوندەنت قاتىستى. قازاقستاندىق قاقپاشى 693 بال جينادى. ول يسپاندىق «بارسەلونا» قاقپاشىسى حۋانا حوسە انگوستو ەرناندەس «حۋانحو» مەن پورتۋگاليانىڭ «سپورتينگ» كلۋبىنىڭ برازيليالىق قاقپاشىسى تياگو مەندەسا روچۋدى ارتتا قالدىردى.

ەستەرىڭىزگە سالا كەتەلىك، قازاقستاندىق فۋتزالشى بۇل اتاققا تورتىنشە مارتە قول جەتكىزىپ وتىر.

ول بۇعان دەيىن 2015، 2016 جانە 2018-جىلدارى سونداي سەنىمگە يە بولدى.

ال فۋتزالدان قازاقستان قۇراماسى مەن الماتىنىڭ «قايرات» كومانداسىنىڭ باس باپكەرى كاكا (پاۋلو ريكاردو فيگۋەرا سيلۆا) ارىپتەستەرى اراسىندا ۇزدىك ۇشتىككە ىلىكتى.