قاراعاندىدا اسكەري قىزمەتشىلەر اۋماقتار مەن عيماراتتاردى دەزينفەكتسيالاۋعا كومەكتەسۋدە

قاراعاندى. قازاقپارات - قاراعاندىدا اسكەري قىزمەتشىلەر اۋماقتى، عيماراتتار مەن نىسانداردى دەزينفەكتسيالايدى.

ق ر قورعانىس مينيسترلىگى قالا بيلىگىنە كومەك رەتىندە رادياتسيالىق، حيميالىق جانە بيولوگيالىق قورعانىس بولىمشەلەرىنىڭ ساربازدارىن جىبەردى، دەپ حابارلايدى قازاقپارات ءتىلشىسى.

دەزينفەكتسيالاۋ جۇمىستارىن اسكەري قىزمەتشىلەر 26- ناۋرىزدا باستادى. بۇگىن تەمىرجول جانە اۆتوۆوكزالداردى ارنايى وڭدەۋ جۇرگىزىلدى.

وبلىستاعى ەپيدەميولوگيالىق جاعداي تۇراقتى. كوروناۆيرۋستىق ينفەكتسيانىڭ جاڭا جاعدايلارى تىركەلگەن جوق.

ەكى پاتسيەنت ەمدەۋ كۋرسىن الۋدى جالعاستىرۋدا. تاۋلىك بويى باقىلاۋ جاسايتىن كارانتيندە 314 ادام بار. بۇل 1ا ساناتىنداعى ەلدەردەن ورالعان نەمەسە شارتتى تۇردە جۇقتىرعان ادامدارمەن بايلانىستا بولعان ازاماتتار.

تاعى 152 ادام ءۇي جاعدايىندا كارانتيننەن وتۋدە. وبلىستا 9000 نان استام نىساندا سانيتارلىق-دەزينفەكتسيالىق رەجيم كۇشەيتىلدى.

مىندەتتى قاۋىپسىزدىك شارالارىنىڭ ورىندالۋى قاداعالانادى. ءتارتىپ بۇزۋشىلىقتار نىسانداردىڭ قىزمەتىن توقتاتۋعا دەيىن قاتاڭ جازا قولدانۋ ارقىلى جويىلۋدا.

ءتارتىپ بۇزۋشىلارعا قاتىستى پوليتسەيلەر سوتقا 45 اكىمشىلىك ءىس تاپسىردى. 12 دەرەك بويىنشا كىنالىلەر ايىپپۇل تولەيدى. 5 ءى اكىمشىلىك قاماۋعا الىندى. قالعان 28 ءىس الداعى كۇندەرى قارالاتىن بولادى.