+7 (701) 759 90 19
-2 °С : نۇر-سۇلتان
4 °С : الماتى
USD 435.54 EUR 473.08
RUB 5.76 CNY 61.64
جاڭالىقتار

ورالدا پوليتسيا قىزمەتكەرلەرىنە پارا بەرمەكشى بولعان جۇرگىزۋشى ۇستالدى

27 ناۋرىز 09:54
:ءبولىسۋ
ورالدا پوليتسيا قىزمەتكەرلەرىنە پارا بەرمەكشى بولعان جۇرگىزۋشى ۇستالدى

ورال. قازاقپارات - ورالدا پوليتسيا قىزمەتكەرلەرىنە پارا بەرمەكشى بولعان جۇرگىزۋشى ۇستالدى، دەپ حابارلايدى قازاقپارات ءتىلشىسى.

ب ق و پوليتسيا دەپارتامەنتىنىڭ رەسمي وكىلى، پوليتسيا پولكوۆنيگى بولاتبەك بەلگىبەكوۆتىڭ ايتۋىنشا، وقيعا 22- ناۋرىز كۇنى ورىن الدى. پوليتسيا كاپيتاندارى، ب ق و پوليتسيا دەپارتامەنتى پاترۋلدىك پوليتسيا باتالونىنىڭ اعا ينسپەكتورى ساياحات تاستىلەۋوۆ پەن ينسپەكتور ەركىن پازىلوۆ جىلدامدىقتى شەكتەن تىس ارتتىرعانى ءۇشىن 1962-جىلعى جۇرگىزۋشى رۋلىندە وتىرعان «لادا لارگۋس» اۆتوكولىگىن توقتاتادى.

اكىمشىلىك قۇقىق بۇزۋشىلىق تۋرالى حاتتاما تولتىرۋ كەزىندە اۆتوكولىك سالونىندا جۇرگىزۋشى پوليتسيا قىزمەتكەرلەرىنە 5 مىڭ تەڭگە «سىياقى» ۇسىنىپ، «ماسەلەنى شەشپەك» بولادى.

بۇدان باس تارتقان پوليتسەيلەر ق ر اكىمشىلىك قۇقىق بۇزۋشىلىق كودەكسىنىڭ 592-بابى 1-بولىگىنە سايكەس حاتتاما تولتىرادى.

سونىمەن قاتار اتالعان جۇرگىزۋشى ق ر ق ك 367-بابى 1-بولىگىنە (مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادامعا پارا بەرۋ) سايكەس قىلمىستىق قۇقىق بۇزۋشىلىققا باردى.

قازىرگى كەزدە جۇرگىزۋشى س- عا مىندەتتى تۇردە كەلۋ شاراسى قولدانىلىپ، تەرگەۋ امالدارى جۇرگىزىلۋدە.

«پوليتسيا دەپارتامەنتى قىزمەتتىك قۇقىق بۇزۋشىلىققا بارماۋ جونىندە جەكە قۇراممەن تۇراقتى تۇردە الدىن الۋ شارالارىن جۇرگىزىپ كەلەدى. بۇل - جىل باسىنان بەرى پوليتسيا قىزمەتكەرلەرىنە پارا بەرمەكشى بولعان وسىنداي جەتىنشى وقيعا.

دەپارتامەنت مۇنداي قادامعا بارعان ادامنىڭ قىلمىستىق جاۋاپكەرشىلىككە تارتىلاتىنىن ەسكەرتەدى.

ايىبى دالەلدەنسە، مۇلكى تاركىلەنىپ نەمەسە ونسىز، بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ءومىر بويىنا ايىرا وتىرىپ، پارانىڭ ون ەسەلەنگەننەن جيىرما ەسەلەنگەنگە دەيىنگى سوماسى مولشەرىندە ايىپپۇل سالۋعا نە ءۇش جىلعا دەيىنگى مەرزىمگە باس بوستاندىعىنان ايىرۋعا جازالانادى»، دەدى قازاقپارات تىلشىسىنە ب. بەلگىبەكوۆ.

ەسكە سالا كەتەيىك، بۇدان بۇرىن ورالدا ءۇش اۆتوكولىك پەن موتوتسيكلدىڭ سوقتىعىسقانىن، كوروناۆيرۋس تۋرالى جالعان حابار تاراتقان ايەلگە قاتىستى قىلمىستىق ءىس قوزعالعانىن جازعان بولاتىنبىز.



باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات