قاپشاعاي جولىندا اۆتوجارىس ۇيىمداستىرعان ەكى ازامات ۇستالدى
الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، قاپشاعاي قالالىق پوليتسيا ءبولىمىنىڭ پوليتسيا قىزمەتكەرلەرى جەرگىلىكتى Instagram جاريالانىمدارعا تالداۋ جاسادى. ولاردىڭ بىرىندەگى بەينەدە اۆتوجارىس باستاماشىلارى ءبىرىنىڭ جازىلۋشىلاردى تارتۋ ماقساتىندا ەلىمىزدە ەنگىزىلگەن توتەنشە جاعداي رەجيمىن ساقتاۋ تۋرالى قازاقستان رەسپۋبليكاسى پرەزيدەنتىنىڭ جارلىعىن، سونداي- اق ءبىرقاتار جول قوزعالىسى ەرەجەلەرىن ورەسكەل بۇزعاندىعى بايقالدى.
«وقيعا اعىمداعى جىلدىڭ 24 - ناۋرىزىندا ساعات 23.30 شاماسىندا الماتى- قاپشاعاي تاس جولىندا «ب م ۆ» ماركالى ەكى اۆتوكولىك قۇرالدارىنىڭ قاتىسۋىمەن ورىن العان. كولىك جۇرگىزۋشىلەرى ءوزارا «تەمىر تۇلپارلارىمەن» جارىسقان. قازىرگى ۋاقىتتا ازاماتتاردىڭ جەكە تۇلعالارى انىقتالدى، ولار قاپشاعاي قالاسىنىڭ تۇرعىندارى بولىپ شىقتى.
اتالعان دەرەك بويىنشا اكىمشىلىك قۇقىقبۇزۋشىلىق تۋرالى بىرنەشە حاتتاما تولتىرىلدى، اتاپ ايتقاندا ق ر ا ق ب ك 476 بابى «توتەنشە جاعداي رەجيمىن بۇزۋ»، 597-بابىنىڭ 3-بولىگى» باسقا كولىك قۇرالدارىنىڭ جول جۇرىسىنە كەدەرگى كەلتىرۋگە اكەپ سوققان، كولىك قۇرالدارىن جولدىڭ ءجۇرۋ بولىگىندە توقتاتۋ نەمەسە توقتاپ تۇرۋ قاعيدالارىن بۇزۋ» بويىنشا»، - دەدى قاپشاعاي ق پ ب باستىعى پوليتسيا مايورى مانات ايتمۇحانبەتوۆ. ۇستالعاندار جارىستارىنىڭ دۇرىس ارەكەت ەمەس ەكەندىگىن مويىندادى. اكىمشىلىك ءىس جۇرگىزۋ شەشىمىن قابىلداۋ ءۇشىن ءىس جاقىن ارادا سوتقا جىبەرىلەتىن بولادى.
«ءبىزدىڭ مىندەتىمىز - قوعامدىق ءتارتىپتى ساقتاۋ جانە ازاماتتاردىڭ قاۋىپسىزدىگىن قامتاماسىز ەتۋ. اسىرەسە ەلدەگى ەرەكشە جانە توتەنشە جاعداي كەزىندە. قازىرگى ۋاقىتتا ءبىز بارلىق ينتەرنەت رەسۋرستاردا ورنالاستىرىلعان بارلىق جاريالانىمدارعا مۇقيات تالداۋ جۇرگىزەمىز. بەلگىلەنگەن تالاپتارعا قايشى كەلەتىن ماتەريالدار بويىنشا زاڭناماعا سايكەس قاتاڭ شارالار قولدانىلۋدا»، - دەپ تولىقتىردى مايور ايتمۇحانبەتوۆ.
اۆتور: سامال قابىشيەۆا