21:02, 26 - ناۋرىز 2020 | GMT +6
داۋرەن ابايەۆ: ءۇش قالاداعى شەكتەۋ شارالارى كومەندانتتىق ساعات ەمەس
نۇر- سۇلتان. قازاقپارات – ق ر اقپارات جانە قوعامدىق دامۋ ءمينيسترى داۋرەن ابايەۆ ءۇش قالاداعى شەكتەۋ شارالارى كومەندانتتىق ساعات بولماسا دا، بيلىكتىڭ قاۋىپسىزدىك بويىنشا بارلىق شاراسىن ۇستانۋ كەرەكتىگىن ايتىپ ءوتتى، دەپ حابارلايدى قازاقپارات ءتىلشىسى.
«ۆيرۋستىڭ ەل ىشىندە تاراۋى ءوسىپ كەلە جاتىر. 28 - ناۋرىزدان باستاپ رەسپۋبليكالىق ماڭىزى بار ءۇش قالادا جاڭا شەكتەۋ شارالارى كۇشىنە ەنەدى. بۇگىن ۇكىمەت جاريالاعان نۇر- سۇلتان، الماتى جانە شىمكەنت قالالارىنا قاتىستى شەكتەۋلەر - كومەندانتتىق ساعات ەمەس. ءبىراق ول تالاپتاردى قاتاڭ ساقتاۋ كەرەك»، - دەدى داۋرەن ابايەۆ «حابار 24» ارناسىندا ونلاين رەجىمدە وتكەن باسپا ءسوز ءماسليحاتىندا.
«ۇيدە بولىڭىزدار! امان بولايىق. ەرتەڭ نۇر- سۇلتان قالاسىنىڭ دەنساۋلىق ساقتاۋ باسقارماسى كوز جۇمعان ايەلگە قاتىستى اقپاراتتى بەرەدى. بۇل جاعداي - كوروناۆيرۋس ينفەكسياسىنىڭ قاۋپىن تاعى ءبىر ەسكە سالىپ وتىر. قازىر بولىپ جاتقان جاعداي - ءبارىمىز ءۇشىن سىناق. وقشاۋلانۋ بويىنشا بيلىكتىڭ بارلىق تالابىن ورىنداۋ كەرەك»، - دەدى مينيستر.
اۆتور: ايان بەكەن ۇلى