+7 (701) 759 90 19
-2 °С : نۇر-سۇلتان
4 °С : الماتى
USD 435.54 EUR 473.08
RUB 5.76 CNY 61.64
جاڭالىقتار

مەملەكەتتىك كوميسسيا: نۇر- سۇلتان جانە الماتى قالالارىندا كارانتين رەجيمى كۇشەيتىلەدى

26 ناۋرىز 19:13
:ءبولىسۋ
مەملەكەتتىك كوميسسيا: نۇر- سۇلتان جانە الماتى قالالارىندا كارانتين رەجيمى كۇشەيتىلەدى

نۇر- سۇلتان. قازاقپارات – ق ر پرەمەر- ءمينيسترى اسقار ءماميننىڭ توراعالىعىمەن ق ر پرەزيدەنتى جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ سەلەكتورلىق وتىرىسى ءوتتى، دەپ جازادى primeminister.kz.

ەلىمىزدەگى سانيتارلىق- ەپيدەميولوگيالىق جاعداي تۋرالى دەنساۋلىق ساقتاۋ ءمينيسترى ە. ءبىرتانوۆ، شەكتەۋ شارالارىن بۇزعانى ءۇشىن جاۋاپكەرشىلىكتى قاتاڭداتۋ تۋرالى ادىلەت ءمينيسترى م. بەكەتايەۆ پەن باس پروكۋرور ع. نۇرداۋلەتوۆ، رەسپۋبليكالىق ماڭىزى بار قالالارداعى احۋال تۋرالى نۇر- سۇلتان قالاسىنىڭ اكىمى ا. كولگىنوۆ، الماتى قالاسىنىڭ اكىمى ب. ساعىنتايەۆ، شىمكەنت قالاسىنىڭ اكىمى م. ايتەنوۆ، ازىق- تۇلىك قاۋىپسىزدىگى جانە الەۋمەتتىك ماڭىزدى ازىق- تۇلىك تاۋارلارىنا باعانى بەلگىلەۋ تۋرالى ساۋدا جانە ينتەگراتسيا ءمينيسترى ب. سۇلتانوۆ، اۋىل شارۋاشىلىعى ءمينيسترى س. وماروۆ جانە مەملەكەتتىك ورگانداردىڭ باسقا دا باسشىلارى باياندادى.

مەملەكەتتىك كوميسسيا بيىلعى 28 - ناۋرىز كۇنگى ساعات 00.00-دەن باستاپ كەلەسى شارالاردى قابىلداۋ ارقىلى نۇر- سۇلتان جانە الماتى قالالارىندا كارانتين رەجيمىن كۇشەيتۋ تۋرالى شەشىمدى بەكىتتى:

ازىق- تۇلىك، ءدارى- دارمەك ساتىپ الۋدى جانە جۇمىسقا بارۋدى قوسپاعاندا، ازاماتتاردىڭ تۇرعىن ۇيدەن شىعۋىن شەكتەۋ؛ حالىق كوپ جينالاتىن ورىنداردى جابۋ (ساياباقتار، سكۆەرلەر، جاياۋ جۇرەتىن كوشەلەر، جاعالاۋلار، ويىن الاڭدارى جانە ت. ب. )؛ قوعامدىق كولىك جۇمىسىن كەزەڭ- كەزەڭمەن شەكتەۋ؛ كوشەلەردە جانە باسقا دا قوعامدىق ورىنداردا ءۇش ادامنان ارتىق توپتاسىپ جينالۋعا تىيىم سالۋ (وتباسى مۇشەلەرىنەن باسقا)؛ كامەلەتتىك جاسقا تولماعانداردىڭ ۇلكەندەرسىز سىرتتا جۇرۋىنە تىيىم سالۋ.

كوروناۆيرۋستىق ينفەكسيانىڭ تارالۋىنا جول بەرمەۋ ماقساتىندا شىمكەنت قالاسىنداعى اباي اۋدانىندا «تاۋەلسىزدىككە 20 -جىل» تۇرعىن ءۇي الابىندا ءۇيدى- ءۇيدى ارالاۋدى ۇيىمداستىرۋمەن 14 كۇنگە سوزىلاتىن كارانتين ەنگىزىلەدى. شىمكەنت قالاسىندا سونىمەن قاتار اۋەجايدىڭ، تەمىرجول ۆوكزالى جانە اۆتوۆوكزالدىڭ، بالاباقشالاردىڭ جۇمىسى توقتاتىلادى. حالىق كوپ جينالاتىن جەرلەر جابىلادى (ساياباقتار، سكۆەرلەر، جاياۋ جۇرگىنشى كوشەلەرى، ويىن الاڭدارى ت. ب. ).

قوعامدىق تاماقتاندىرۋ ورىندارىنىڭ جۇمىسى ساعات 18.00-گە دەيىن شەكتەلەدى (ساعات 18.00-دەن ساعات 22.00-گە دەيىن ۇيگە جەتكىزۋمەن). قوعامدىق كولىك قوزعالىسى كەزەڭ- كەزەڭمەن شەكتەلەدى. ازىق- تۇلىك دۇكەندەرىنىڭ، ساۋدا ورتالىقتارى مەن كيىم- كەشەك بازارلارىنىڭ، قىزمەت كورسەتەتىن نىسانداردىڭ جۇمىس رەجيمىن شەكتەۋ شىمكەنت قالاسىنىڭ اكىمىنىڭ شەشىمى بويىنشا جۇزەگە اسىرىلادى.

ۇكىمەت باسشىسى دەنساۋلىق ساقتاۋ مينيسترلىگىنە ادىلەت مينيسترلىگىمەن بىرلەسىپ شەكتەۋ شارالارىن ەنگىزۋ بويىنشا ءتيىستى اكتىنى قابىلداۋدى تاپسىردى. وتىرىسقا قاتىسۋشىلار سونىمەن قاتار تۇرعىنداردى الەۋمەتتىك ماڭىزى بار ازىق- تۇلىك ونىمدەرىمەن قامتاماسىز ەتۋ جانە ولاردىڭ باعاسىن تۇراقتاندىرۋ، كوكتەمگى كانيكۋلدان كەيىن مەكتەپ وقۋشىلارىنىڭ قاشىقتان وقۋىن ۇيىمداستىرۋ (بيىل 6 - ساۋىردەن باستاپ)، سونداي- اق شەتەلدە قالعان، وتانعا ورالۋعا نيەتتى ق ر ازاماتتارىنا قولداۋ كورسەتۋ ماسەلەلەرىن قاراستىردى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات