ەلورداعا كەلگەن مىڭ جارىم جولاۋشىنىڭ ۇشەۋىنەن كوروناۆيرۋس تابىلدى

None
None
نۇر- سۇلتان. قازاقپارات - 22-25 - ناۋرىز كۇندەرى نۇر- سۇلتان قالاسىنىڭ حالىقارالىق اۋەجايىنا 1483 جولاۋشى كەلدى جانە 3 ادامنان كوروناۆيرۋس ينفەكسياسى تابىلدى، دەپ حابارلايدى قازاقپارات.

بۇل تۋرالى نۇر- سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا ايتىپ بەردى، دەپ حابارلايدى قازاقپارات.

«نۇر- سۇلتان قالاسىنا توتەنشە جاعداي رەجيمىنىڭ ەنگىزىلۋىنە بايلانىستى، ەلوردانىڭ حالىقارالىق اۋەجايىنا كەلگەن بارلىق جولاۋشىنى وقشاۋلاۋ ۇيعارىلدى. وسى جۇمىس اياسىندا ءبىز 22-25 - ناۋرىز ارالىعىندا حالىقارالىق اۋەجايعا كەلگەن 18 رەيستىڭ 1483 جولاۋشىسىن وقشاۋلاردىق»، - دەدى باسقارما باسشىسى «حابار 24» تەلەارناسىندا وتكەن بريفينگتە.

ولاردىڭ بارلىعىنا بيوماتەريال الۋ جولىمەن زەرتحانالىق تەكسەرۋ جۇرگىزىلگەن «بۇل جولاۋشىلار اراسىندا 3 ادامنان كوروناۆيرۋس ينفەكسياسى تابىلدى. ولاردى اۋرۋحاناعا جاتقىزۋ، ەم تاعايىنداۋ جانە جاقىن بايلانىسقان ادامدار توبىن انىقتاۋ جۇمىستارى جۇرگىزىلدى»، - دەدى س. قيسىقوۆا.

ايتا كەتەيىك، قازاقستان رەسپۋبليكاسى اۋماعىندا كوروناۆيرۋس ينفەكسياسىن جۇقتىرعان جالپى 109 ناۋقاس تىركەلدى. نۇر- سۇلتان قالاسىندا 61 ادامدا كورونوۆيرۋس ينفەكسياسى انىقتالدى. الماتى قالاسىندا - 40 ادام، شىمكەنت قالاسىندا - 2 ادام، قاراعاندى قالاسىندا – 2، الماتى، اقتوبە، جامبىل، سولتۇستىك قازاقستان وبلىستارىندا - 1 ادامنان تىركەلگەن.

بۇعان دەيىن باسقارما باسشىسى نۇر- سۇلتاندا ءتورت ناۋقاستىڭ جاعدايى اۋىر ەكەنىن مالىمدەگەن بولاتىن.

اۆتور: ايجان سەرىكجان قىزى


سوڭعى جاڭالىقتار