قازاقستاندا كوروناۆيرۋستى انىقتاۋعا ارنالعان جەدەل- تەست باعاسى قانشا بولادى
«ءسابي» قورىنىڭ قايىرىمدىلىق كومەگى اياسىندا ەڭ الدىمەن تاۋەكەل توبىنا كىرەتىن پاتسيەنتتەرگە تەگىن جەدەل- تەست جۇرگىزۋ جوسپارلانىپ وتىر. ول ءۇشىن تاياۋ ۋاقىتتا ادرەسى بەلگىلى بولاتىن سايتتا ارنايى ساۋالنامانى تولتىرۋ قاجەت. ەپيدەميولوگتار ساۋالنامالاردى وڭدەپ بولعاننان كەيىن تاۋەكەل فاكتورى بار پاتسيەنتتەر تەستتەن وتۋگە شاقىرىلادى»، - دەپ اتاپ وتەدى اتالعان زەرتحانادان.
تاراتىلعان اقپاراتتا جەدەل- تەستىلەردىڭ العاشقى توپتاماسى قازاقستانعا جەتكىزىلىپ، نۇر- سۇلتان مەن الماتى قالالارىنا 50 مىڭنان بەرىلەدى. تەگىن تەستىلەۋ جاسالىپ بولعاننان كەيىن قازاقستاننىڭ بارلىق قالالارىندا اقىلى تۇردە جەدەل- تەستىلەۋ جۇرگىزىلەدى. ونىڭ بولجامدى قۇنى 4 مىڭنان 5 مىڭ تەڭگەگە دەيىن بولادى. اقىلى تەستىلەۋدىڭ قاشان باستالاتىندىعى قوسىمشا حابارلانباق. بۇعان دەيىن ق ر د س م تاۋارلار مەن قىزمەتتەردىڭ ساپاسىن جانە قاۋىپسىزدىگىن باقىلاۋ كوميتەتىنىڭ ءتوراعاسى ليۋدميلا بيۋرابەكوۆا قازاقستاندىقتاردىڭ كوروناۆيرۋستى انىقتاۋ تەستىن اقىلى تاپسىرا الاتىندىعىن ايتقان ەدى.
اۆتور: مارلان جيەمباي