+7 (701) 759 90 19
20 °С : نۇر-سۇلتان
19 °С : الماتى
USD 412.55 EUR 465.73
RUB 5.79 CNY 58.91
جاڭالىقتار

كوروناۆيرۋس: نۇر- سۇلتاندا ءتورت ناۋقاستىڭ جاعدايى اۋىر

26 ناۋرىز 18:38
:ءبولىسۋ
كوروناۆيرۋس: نۇر- سۇلتاندا ءتورت ناۋقاستىڭ جاعدايى اۋىر

نۇر- سۇلتان. قازاقپارات - نۇر- سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا ەلوردادا كوروناۆيرۋس ينفەكسياسىمەن تىركەلگەن سوڭعى 20 ناۋقاس تۋرالى ايتىپ بەردى، دەپ حابارلايدى قازاقپارات.

«20 ناۋقاستىڭ 14ءى - ستاتسيونارلىق ەمدەۋدە جاتقان ناۋقاستار. ولاردىڭ ءبىر بولىگى وكپە قابىنۋى كۇدىگىمەن جرۆي بەلگىلەرىمەن جانە دەنە قىزۋىمەن اۋرۋحاناعا تۇسكەن. ەكىنشى ءبىر بولىگى - 24-25 - ناۋرىزدا كوروناۆيرۋستىق ينفەكسيا انىقتالعان ادامدارمەن جاقىن بايلانىستا بولعانى ءۇشىن تەكسەرۋگە الىنعاندار. سونىمەن بىرگە، ناۋقاستار اراسىندا وزگە ەلدەردەن ۇشىپ كەلىپ، وقشاۋلانعان ادامدار دا بار» ، - دەدى باسقارما باسشىسى «حابار 24» تەلەارناسىندا وتكەن بريفينگتە.

ونىڭ ايتۋىنشا، 6 جاعداي نۇر- سۇلتان قالاسى تۇرعىندارى اراسىندا جۇرگىزىلگەن مونيتورينگ بارىسىندا تىركەلگەن. «قازىرگى ۋاقىتتا نۇر- سۇلتاندا 61 ادامنان كوروناۆيرۋستىق ينفەكسيا تابىلىپ، ستاتسيوناردا جاتىر. ءتورت ناۋقاستىڭ جاعدايى - تۇراقتى اۋىر. ولاردىڭ وكپە قابىنۋى راستالدى جانە تىنىس جەتىسپەۋشىلىگى بار. كوروناۆيرۋستىق ينفەكسيا بويىنشا حاتتاماعا سايكەس ەم- دوم الىپ جاتىر. قالعان ناۋقاستاردىڭ جاعدايى قاناعاتتانارلىق، شاعىم جوق، دەنە قىزۋى قالىپتى» ، - دەدى ساۋلە قيسىقوۆا.

ايتا كەتەيىك، قازاقستان رەسپۋبليكاسى اۋماعىندا كوروناۆيرۋس ينفەكسياسىن جۇقتىرعان جالپى 109 ناۋقاس تىركەلدى. نۇر- سۇلتان قالاسىندا 61 ادامدا كوروناۆيرۋس ينفەكسياسى انىقتالدى. الماتى قالاسىندا - 40 ادام، شىمكەنت قالاسىندا - 2 ادام، قاراعاندى قالاسىندا - 2, الماتى، اقتوبە، جامبىل، سولتۇستىك قازاقستان وبلىستارىندا - 1 ادامنان تىركەلگەن.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات