22:08, 26 - ناۋرىز 2020 | GMT +6
جەر قويناۋىن پايدالانۋشىلارعا تاۋاردى كونكۋرسسىز ساتىپ الۋعا رۇقسات بەرىلدى
نۇر- سۇلتان. قازاقپارات - قازاقستاندا جەر قويناۋىن پايدالانۋشىلارعا وتاندىق وندىرۋشىلەردەن تاۋاردى كونكۋرس وتكىزبەي ساتىپ الۋعا رۇقسات بەرىلدى، دەپ حابارلايدى قازاقپارات ءتىلشىسى.
«كاسىپكەرلەردى قولداۋ بويىنشا: ەنەرگەتيكا مينيسترلىگى جەر قويناۋىن پايدالانۋشىلارعا وتاندىق وندىرۋشىلەردەن تاۋاردى كونكۋرس وتكىزبەي ساتىپ الۋعا رۇقسات بەردى. بۇرىن ول ەكى ايعا دەيىن سوزىلۋى مۇمكىن ەدى» ، - دەدى داۋرەن ابايەۆ «حابار 24» ارناسىنداعى ونلاين رەجىمدەگى باسپا ءسوز ءماسليحاتىندا.
مينيستر بۇل تۇزەتۋلەر قازاقستاندىق كومپانيالاردىڭ ۇزدىكسىز جۇمىسىن جانە بيۋدجەتكە سالىق ءتۇسىمىن قامتاماسىز ەتەتىنىن ايتىپ ءوتتى. بۇدان باسقا، بۇل نورما كاسىپورىندارعا قىزمەتكەرلەرىن قىسقارتپاۋعا كومەكتەسەدى.