+7 (701) 759 90 19
20 °С : نۇر-سۇلتان
19 °С : الماتى
USD 412.55 EUR 465.73
RUB 5.79 CNY 58.91
جاڭالىقتار

بالانى كوروناۆيرۋستان قورعاۋ ءۇشىن نە ىستەۋ كەرەك؟

26 ناۋرىز 18:02
:ءبولىسۋ
بالانى كوروناۆيرۋستان قورعاۋ ءۇشىن نە ىستەۋ كەرەك؟

نۇر-سۇلتان. قازاقپارات - ەلدەگى مەكتەپتەردىڭ بارلىعى جابىلىپ، بالالاردىڭ ءبىلىمى، كوروناۆيرۋستان قورعاۋ مىندەتى اتا- انالاردىڭ موينىنا ارتىلدى. ال بالانى قاۋىپتى ىندەتتەن قورعاۋ ءۇشىن نە ىستەگەن ءجون؟

بالالارعا از جۇعادى

قىتايدا كوروناۆيرۋس جۇقتىرعان العاشقى تولقىننىڭ 72 مىڭىنا اقپان ايىندا زەرتتەۋ جاساعان امەريكانىڭ JAMA مەديتسينالىق قاۋىمداستىعى اۋرۋعا شالدىققانداردىڭ ىشىندە 19 جاسقا دەيىنگىلەردىڭ ۇلەسى نەبارى 2 پايىز عانا ەكەنىن انىقتاعان. ال دۇنيەجۇزىلىك دەنساۋلىق ساقتاۋ ۇيىمىنىڭ اقپان ايىندا قىتايعا بارعان ءىس ساپار ەسەبىندە دە 18 جاسقا دەيىنگى اۋىرعانداردىڭ ۇلەسى 2,5 پايىزدى قۇراعان. ءبىراق قۇجاتتا «بالالارعا كوروناۆيرۋستىڭ قانشالىقتى تەز جۇعاتىنى، بالالاردىڭ كوروناۆيرۋسقا قانشالىقتى شالدىعاتىنى، قانداي كلينيكالىق اۋىتقۋ تۋاتىنى جايلى ناقتى دەرەكتەر جوق» دەپ جازىلعان. Pediatrics جۋرنالىنىڭ كوروناۆيرۋس پەن بالالارعا ارنالعان زەرتتەۋى ازىرشە ەڭ ءىرى زەرتتەۋ جۇمىسى بولىپ وتىر. جۋرنالدىڭ جازۋىنشا، بالالاردىڭ كوبى COVID-19 ينفەكسياسىن وڭاي كوتەرەدى، ال شامامەن، 6 پايىزى اۋىر جاعدايعا دۋشار بولادى. ماماندار يممۋنيتەتى ءالسىز، وكپەسى سىر بەرگەن 5 جاسقا دەيىنگى بالالارعا بۇل ىندەت وتە قاۋىپتى دەگەندى ايتادى.

قازىرگى كۇندە نە بەلگىلى؟

COVID-19 اۋرۋى بالاعا دا، ەرەسەككە دە جۇعادى. قىتايدا تاراعان ينفەكسيانىڭ تالداماسىنا سۇيەنسەك، بالالاردىڭ كوروناۆيرۋسقا شالدىعۋ قاۋپى ەرەسەكتەردىڭ كوروناۆيرۋسقا شالدىعۋ قاۋپىمەن بىردەي. ۆيرۋسقا شالدىققان بالانىڭ بويىنداعى اۋرۋ بەلگىلەرى ەرەسەكتەرگە قاراعاندا جاي بايقالادى. بالا كىشكەنتاي بولعان سايىن قاۋىپ سونشالىقتى ۇلكەن. قىتايدا اۋرۋ جۇقتىرعان 2143 بالاعا جاسالعان زەرتتەۋدە 5 جاسقا دەيىنگى بالالارعا ىندەتتىڭ قاۋىپتى ەكەنى، اسىرەسە، وكپەسى اۋىراتىنداردىڭ جاعدايى قيىن ەكەندىگى بەلگىلى بولدى. ال ەڭ ءالسىز توپ - 1 جاسقا دەيىنگى سابيلەر، ويتكەنى ولاردىڭ يممۋنيتەتى ءالى قالىپتاسپاعان. بالالاردان دا، ەرەسەكتەردەن دە اۋرۋ جۇعادى. زەرتتەۋلەرگە قاراعاندا، كوروناۆيرۋس ادامعا جۇققاننان كەيىن 2 اپتا بويى وزگەلەرگە قاۋىپ كەلتىرۋمەن بولادى. كەيدە كوروناۆيرۋس جۇقتىرعان ادامنىڭ ءوزى اۋرۋ جۇقتىرعانىن بىلمەۋى مۇمكىن، ويتكەنى بەلگىلەرى وتە جەڭىل بولۋى ىقتيمال.

اتا- اناعا كەڭەس

Pediatrics جۋرنالىنا زەرتتەۋ جاريالاعان اۆتورلاردىڭ ءبىرى، ۆيرگيني ۋنيۆەرسيتەتىنىڭ ينفەكتسيالىق اۋرۋلار ءبولىمىنىڭ باسشىسى، مەديتسينا عىلىمدارىنىڭ دوكتورى ستيۆەن ل. زەيحنەر بىلاي دەيدى: «ينفەكتسيا جۇقتىرعان بالالاردىڭ كوبىنە اۋرۋ بەلگىلەرى ءالسىز بىلىنەدى، كەيدە بىلىنبەۋى دە مۇمكىن. سوندىقتان بالالاردى باسقا ادامداردان الىس ۇستاپ، گيگيەناسى مەن تازالىعىنا ءمان بەرگەن ءجون» .

بالانى قالاي ۆيرۋستان قورعايمىز؟

- بالالاردىڭ باسقا بالالارمەن ويناۋىنا، توپتالۋىنا، ۇيىنە بارۋىنا تىيىم سالىڭىز.

- ويىنعا، دالاعا جىبەرمەڭىز. بالالار الاڭىنا جىبەرۋ قاۋىپتى. ويتكەنى ۆيرۋس تازا اۋادا 48 ساعات بويى ساقتالادى. ودان دا ۆەلوسيپەدپەن قىدىرعان ءجون.

- بالاعا قول جۋۋدى ۇيرەتۋ قاجەت، سابىنداپ، تازالاپ جۋۋ كەرەك.

- بالانىڭ كيىمى مەن ويىنشىقتارىن ءجيى جۋۋ قاجەت.

- بالانى باسقا بىرەۋدىڭ قاراۋىنا قالدىرماڭىز، اسىرەسە، اتاسى مەن اجەسىنىڭ قولىندا.

- ەگەر بالا اۋىرىپ قالسا، ۇيدە بولعانى ءجون، اۋرۋحاناعا اپارماي- اق قويىڭىز. COVID-19 اۋرۋىنىڭ بەلگىلەرى بولماسا ۇيدە قالعانى ابزال. ويتكەنى اۋرۋحانادا جاتقانداردان ۆيرۋس جۇقتىرىپ الۋ الدەقايدا قاۋىپتى.

Massaget.kz


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات