نۇر- سۇلتان قالاسىندا تەراكت ۇيىمداستىرماق بولعان ەر ادام قولعا ءتۇستى

نۇر- سۇلتان. قازاقپارات - ەلوردادا تەراكت ۇيىمداستىرماق بولدى دەگەن كۇدىكپەن ەر ادام ۇستالدى، دەپ حابارلايدى قازاقپارات ق ر ۇ ق ك باسپا ءسوز قىزمەتىنە سىلتەمەمەن.

«2020 -جىلعى 25 - ناۋرىزدا ۇلتتىق قاۋىپسىزدىك كوميتەتى نۇر- سۇلتان قالاسىندا جەدەل- ىزدەستىرۋ ءىس- شارالارىنىڭ ناتيجەسىندە دەسترۋكتيۆتى ءدىني اعىم ۇستانۋشىسىن ۇستادى. ول «دايش» حالىقارالىق تەرروريستىك ۇيىمى (قازاقستاندا تىيىم سالىنعان) يدەولوگياسىنىڭ ىقپالىمەن استانا اۋماعىندا تەراكت دايىندادى دەپ كۇدىكتەلۋدە. تەرگەۋ ءىس- قيمىلدارى بارىسىندا ودان جويۋ ەلەمەنتتەرى بار قولدان جاسالعان جارىلعىش قۇرىلعى الىندى» دەلىنگەن حابارلامادا.

مالىمەتكە ساي، قولعا تۇسكەن ادامعا قاتىستى قازاقستان رەسپۋبليكاسى قىلمىستىق كودەكسىنىڭ 24 - جانە 255 - (تەرروريزم اكتىسىنە دايىندالۋ) باپتارى بويىنشا سوتقا دەيىنگى تەرگەپ- تەكسەرۋ باستالدى. تەرگەۋ جالعاسۋدا.