كوكشەتاۋدا جاساندى تىنىس الدىراتىن اپپارات شىعارىلۋدا

كوكشەتاۋ. قازاقپارات - كوكشەتاۋداعى «تىنىس» ا ق زاۋىتى جاساندى تىنىس الدىراتىن اپپارات شىعارۋدا، دەپ حابارلايدى قازاقپارات ءتىلشىسى.

كاسىپورىن باسشىلىعىنىڭ مالىمەتىنشە، قازىرگى كەزدە زاۋىت العاشقى «كوكشەتاۋ-4» وكپەگە جاساندى تىنىس بەرۋ اپپاراتتارىن وبلىستاعى مەديتسينالىق مەكەمەلەرگە تاراتقان.

«زاۋىتتا وسىعان دەيىن شىعارىلىپ، دايىن تۇرعان 17 اپپاراتتى وبلىستاعى مەديتسينالىق مەكەمەلەرگە بەردىك. تاعى 50 دانا اپپارات شىعارىلۋدا. جالپى، بۇگىنگى كۇنگە دەيىن 300 دانا «كوكشەتاۋ-4» وكپەنى جاساندى تىنىس الدىراتىن اپپاراتقا سۇرانىس ءتۇستى. زاۋىتتىڭ ايىنا وسىنداي 20-30 دانا اپپارات شىعارۋعا مۇمكىندىگى بار. تەك، كەيبىر قاجەتتى ماتەريالداردى سىرتتان الدىرتامىز. سول ءبىراز قيىندىق تۋعىزىپ وتىر» ، - دەدى زاۋىتتىڭ ساتۋ جانە وتكىزۋ ءبولىمىنىڭ باسشىسى ايبەك قابيەۆ.

سونىمەن قاتار، كاسىپورىن تاۋلىگىنە 6-7 مىڭ دانا مەديتسينالىق ماسكا تىگۋدە. بۇگىنگى كۇنى بارلىعى 35 مىڭ دانا ماسكا شىعارىلعان.