الماتى ساياباعىنداعى كەپتەرلەر قىرىلىپ قالدى

None
None
الماتى. قازاقپارات - الماتى ساياباعىندا قىرىلعان كەپتەرلەر ۋلانعان بولۋى مۇمكىن.

بۇل تۋرالى ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ ورمان شارۋاشىلىعى جانە جانۋارلار الەمى كوميتەتىنىڭ باسپا ءسوز حاتشىسى ساكەن دىلداحمەت مالىمدەدى، دەپ حابارلايدى قازاقپارات ءتىلشىسى. كەپتەرلەردىڭ جاپپاي ءولىمىن قالا تۇرعىندارى الەۋمەتتىك جەلىدە جاريالاعان بولاتىن. وقيعا 28 پانفيلوۆشىلار پاركىندە بولعان.

«بۇگىن، ياعني 26 -ناۋرىزدا الماتىداعى 28 پانفيلوۆشىلار پاركىندە كەپتەرلەردىڭ قىرىلۋىنا بايلانىستى ورمان شارۋاشىلىعى جانە جانۋارلار الەمى كوميتەتىنىڭ وبلىستىق ينسپەكتسياسى مەن ق ر ا ش م ۆەتەرينارلىق باقىلاۋ مەن قاداعالاۋ تەرريتوريالدىق ينسپەكتسياسى قىزمەتكەرلەرى، قالالىق ۆەتەرينارلىق قىزمەت، قالالىق كاسىپكەرلىك پەن ينۆەستيتسيالار باسقارماسى، زوولوگيا جانە اباتتاندىرۋ ينستيتۋتى ماماندارىنان ارنايى كوميسسيا قۇردى» ، - دەدى ساكەن دىلداحمەت Facebook پاراقشاسىندا.

كوميسسيانىڭ جۇرگىزگەن ساراپتاماسىنا كەپتەرلەر ولگەن جەردە مۇنىڭ الدىندا اۋماعى 100 شارشى مەتر مۇز ايدىنى بولعان. سول جەردە بارلىعى 30 كەپتەر ولگەن. «قۇستار ۋلانعان بولۋى مۇمكىن. كوميسسيا مۇشەلەرى كەپتەرلەردىڭ دەنەسىن زەرتحانالىق زەرتتەۋ جۇرگىزۋ ءۇشىن الدى. قۇستاردىڭ ولىمىنە نە ىقپال ەتكەنى زەرتتەۋلەردەن سوڭ بەلگىلى بولادى» ، - دەدى س. دىلداحمەت.


سوڭعى جاڭالىقتار