اۋىلدا كوروناۆيرۋس «انىقتالدى»: اقتوبە وبلىسىندا ۆيدەو اۆتورى ۇستالدى
ەر ادام ءوز ءۇيىنىڭ اۋلاسىندا قورعانىش كيىمدەرى مەن بەتپەردە كيگەن ادامدار بالالار الاڭىندا دەزينفەكسيا جۇمىستارىن جۇرگىزىپ جاتقانىن كورگەن. ونى ۆيدەوعا ءتۇسىرىپ، ونى «بادامشا اۋىلىندا كوروناۆيرۋس ينفەكسياسىن جۇقتىرعان ادام انىقتالدى» دەگەن كوممەنتاريمەن تۋىستارىنا تاراتقان.
34 جاستاعى ەر ازامات ۇستالىپ، ءوز كىناسىن تولىعىمەن مويىندادى. فاكتى بويىنشا ونى اكىمشىلىك جاۋاپكەرشىلىككە تارتۋ ماسەلەسى شەشىلىپ جاتىر.
«اقتوبە وبلىسىنىڭ پوليتسيا دەپارتامەنتى جالعان اقپارات تاراتۋ فاكتىلەرىن انىقتاۋ ءۇشىن كۇن سايىن الەۋمەتتىك جەلىلەرگە مونيتورينگ جۇرگىزىلىپ، ارانداتۋشىلىق مالىمەتتەردى انىقتاۋ بويىنشا تۇراقتى جۇمىس جۇرگىزىلەتىندىگىن ەسكەرتەدى. ق ر اكىمشىلىك قۇقىق بۇزۋشىلىق تۋرالى كودەكستىڭ 57-بابىنا سايكەس دۇلەي اپات نەمەسە باسقا دا توتەنشە جاعدايلار كەزىندە جاسالعان اكىمشىلىك قۇقىق بۇزۋشىلىق جاۋاپكەرشىلىكتى اۋىرلاتاتىن ءمان-جايعا جاتادى»، - دەلىنگەن اقپاراتتا.