كوروناۆيرۋس جۇقتىرۋى مۇمكىن اۆتوبۋس جولاۋشىلارى تۇركىستان بلوكبەكەتىندە انىقتالعان
سولاردىڭ ءبىرى رەتىندە 18-ناۋرىزدان باستاپ الماتى جانە قىزىلوردا باعىتىنداعى شەكارالىق ايماقتاردا ورنالاسقان «ساۋران» جانە «شاقپاق» پۋنكتەرىندە تاۋلىك بويعى بلوكبەكەتتەر قويىلدى، دەپ حابارلايدى قازاقپارات.
بۇل بەكەتتەردە پوليتسيا جانە مەديتسينا ماماندارى ءاربىر كولىكتى توقتاتىپ، ارنايى قۇرىلعىمەن ازاماتتاردىڭ دەنە قىزۋلارىن ولشەپ، تەكسەرىستەن وتكىزۋدە.
«اتالعان بلوكبەكەتتەردىڭ جۇيەلى جۇمىسىنىڭ ارقاسىندا شىمكەنت- نۇر- سۇلتان باعىتىنداعى (مەملەكەتتىك تىركەۋ ءنومىرى - kz 646 FNB، 13- ءوڭىر) اۆتوبۋستا كوروناۆيرۋس جۇقتىرعان ازاماتپەن بىرگە كەلگەن 56 ادامنىڭ ناقتى دەرەگى انىقتالىپ وتىر. كولىكتەگى جولاۋشىلار تۋرالى تولىق اقپاراتتى تۇركىستان وبلىسى تۇلكىباس اۋدانىنداعى شاقپاق بەكەتىنىڭ قىزمەتكەرلەرى 20 ناۋرىز كۇنى جازىپ العان. قازىرگى كەزدە اتالعان ازاماتتار وقشاۋلانۋعا الىندى. الداعى ۋاقىتتا وبلىس تۇرعىندارىن ساقتىق شارالارىن كۇشەيتىپ، سالعىرتتىق تانىتپاۋعا شاقىرامىز»، - دەدى ءوڭىر اكىمدىگىنەن.
جالپى، 18-ناۋرىزدان باستاپ ساقتىق ماقساتىندا تۇركىستان وبلىسىنىڭ شەكارالىق ۋچاسكەلەرىنە 35 بلوكبەكەت قويىلعان. ونىڭ ىشىندە 31 ى ەلدى مەكەندەردە، ال 4 ى تەمىرجول ۆوكزالى مەن ستانتسيالاردا ورنالاسقان.
اتالعان بەكەتتەردە بۇگىندە 37 مەديتسينالىق، پوليتسيا قىزمەتكەرلەرى جۇمىس ىستەۋدە. قازىرگى تاڭدا بلوكبەكەتتەردە پوليتسيا مەن مەديتسينا قىزمەتكەرلەرى كۇشەيتىلگەن جۇمىس رەجيمىنە كوشكەن.