+7 (701) 759 90 19
1 °С : نۇر-سۇلتان
7 °С : الماتى
USD 430.51 EUR 505.72
RUB 5.51 CNY 64.14
جاڭالىقتار

پاندەميا كەزىندە قولما-قول اقشانى پايدالانۋعا بولا ما: ۇلتتىق بانك جاۋابى

26 ناۋرىز 13:27
:ءبولىسۋ
پاندەميا كەزىندە قولما-قول اقشانى پايدالانۋعا بولا ما: ۇلتتىق بانك جاۋابى

نۇر-سۇلتان. قازاقپارات - COVID-19 ۆيرۋسىنىڭ پاندەمياسىنا بايلانىستى ەسەپ ايىرىسۋ كەزىندە قولما-قول اقشانى پايدالانۋعا بولا ما؟

بۇل سۇراققا ق ر ۇلتتىق بانكىنەن جاۋاپ بەردى، دەپ حابارلايدى قازاقپارات.

ۇلتتىق بانكتەن ءمالىم ەتكەندەي، COVID-19 ۆيرۋسىنىڭ تارالۋ ىقتيمالدىعىنا قاتىستى تۇسىنىكتەمە بەرۋ بانك قۇزىرەتىنە جاتپايدى.

«ايتسە دە قولما- قول اقشانى پايدالانۋعا بايلانىستى ءقاۋىپ - ەسىكتىڭ تۇتقاسىن، نەسيە كارتاسىن نەمەسە موبيلدى تەلەفوندى ۇستاپ، پايدالانۋ قاۋپىنەن جوعارى ەمەستىگىنە نازار اۋدارتامىز. ءبىز قولىمىزبەن كۇندەلىكتى ۇستايتىن قانشاما زات بار. COVID-19 ۆيرۋسى جۇققان بانكنوتتىڭ اينالىمعا ءتۇسۋ ىقتيمالدىعى تومەن. ەڭ ءبىرىنشى كەزەكتە بانكنوت ۇزاق ۋاقىت بويى ينكاسساتسيادا ساقتالادى. ۇلتتىق بانكتىڭ ىشكى نورماتيۆىنە سايكەس، ەكىنشى دەڭگەيلى بانكتەردەن تۇسەتىن قولما- قول اقشا قايتا ەسەپتەلگەنگە دەيىن 45 كۇن بويى، ال ەسەپتەلگەننەن كەيىن 1 جىلعا دەيىن اشىلماي جاتۋى مۇمكىن»، - دەيدى ۇلتتىق بانكتىڭ قولما-قول اقشا اينالىمى دەپارتامەنتىنىڭ ديرەكتورى جومارت قاجىمۇراتوۆ.

ونىڭ ايتۋىنشا، دۇنيەجۇزىلىك دەنساۋلىق ساقتاۋ ۇيىمىنىڭ اقپاراتىنا سايكەس، قازىرگى تاڭدا «ۆيرۋستىڭ زات بەتىندە تۇراقتى ساقتالۋى تۋرالى مالىمەت جوق». كوروناۆيرۋستىڭ ومىرشەڭدىگى بىرنەشە فاكتورعا، اتاپ ايتقاندا سالىستىرمالى تەمپەراتۋرا مەن ىلعالدىلىققا، سونىمەن بىرگە زاتتىڭ بەتكى ماتەريالىنا بايلانىستى بولادى.

«قولما-قول اقشامەن جۇمىس ىستەيتىن كاسسالىق جۇمىسشىلاردىڭ جۇمىسىن ەسكەرە وتىرىپ، ءدال وسى ساناتتاعى ازاماتتارعا قولدى ءجيى جۋۋعا كەڭەس بەرىلەدى. ولار د د ۇ مەن ق ر دەنساۋلىق ساقتاۋ مينيسترلىگى بەرگەن كەڭەستەردى ساقتاۋى كەرەك. بايلانىسسىز تولەم جولدارى ارقىلى ۆيرۋستىڭ تارالۋ ىقتيمالدىعى تومەن. دۇكەندەر مەن ءدارىحانالاردا، ونلاين ساۋدادا قولما- قول اقشاسىز تولەممەن ەسەپ ايىرىسۋعا كەڭەس بەرەمىز. بۇل بايلانىستىڭ سانى مەن دەڭگەيىن تومەندەتىپ، كوروناۆيرۋستىڭ تارالۋىنا جول بەرمەيدى»، - دەيدى جومارت قاجىمۇراتوۆ.

اۆتور: ايان بەكەن ۇلى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات