+7 (701) 759 90 19
1 °С : نۇر-سۇلتان
2 °С : الماتى
USD 430.51 EUR 505.72
RUB 5.51 CNY 64.14
جاڭالىقتار

قازاقستاندىقتار كوروناۆيرۋستى انىقتاۋ تەستىن اقىلى تاپسىرا الادى

26 ناۋرىز 13:10
:ءبولىسۋ
قازاقستاندىقتار كوروناۆيرۋستى انىقتاۋ تەستىن اقىلى تاپسىرا الادى

نۇر-سۇلتان. قازاقپارات - قازاقستاندىقتار كوروناۆيرۋستى انىقتاۋ تەستىن اقىلى تاپسىرا الادى.

بۇل تۋرالى ق ر د س م تاۋارلار مەن قىزمەتتەردىڭ ساپاسىن جانە قاۋىپسىزدىگىن باقىلاۋ كوميتەتىنىڭ ءتوراعاسى ليۋدميلا بيۋرابەكوۆا ايتتى، دەپ حابارلايدى قازاقپارات ءتىلشىسى.

«جالپى، بىزدە ەلىمىزگە مۇنداي ەكسپرەسس- تەستتەردى جەتكىزەتىن بىرنەشە دەمەۋشى بار. قازىرگى ۋاقىتتا بىرنەشە كومپانياعا ءبىر رەت اكەلۋگە رۇقسات بەرىپ تە قويدىق. ءبىرىنشى توپتاماسى وسى اپتادا جەتكىزىلەدى. ەكسپرەسس- تەستىلەۋ «وليمپ» زەرتحاناسىنىڭ بازاسىندا جۇرگىزىلەدى. بۇل جەدەل- تەستتەر يممۋنوفەرمەنتتى ساراپتاما ادىسىنە نەگىزدەلگەن. پاتسيەنتتىڭ قانىندا انتيدەنەنى انىقتايتىن بولادى. ياعني، اۋرۋىپ جۇرگەندەردە نەمەسە جەڭىل تۇرىمەن اۋىرىپ، جازىلعانداردى انىقتايدى»، - دەدى كوميتەت ءتوراعاسى مينيسترلىكتىڭ Facebook-تەگى پاراقشاسىندا «دەنساۋلىق مينيسترلىگى حابارلايدى...» دەگەن ايدارمەن جاريالانعان ۆيدەودا.

ونىڭ اتاپ وتۋىنشە، ق ر د س م كوروناۆيرۋستى انىقتاۋ ءۇشىن تەستىلەۋدەن الەۋمەتتىك ءالسىز توپقا كىرەتىن پاتسيەنتتەردى وتكىزەدى. ولارعا ەڭ الدىمەن دارىگەرلەردىڭ ەسەبىندە تۇرعان تىنىس الۋ ورگاندارىندا سوزىلمالى اۋرۋلارى بار ادامدار، ۆيرۋس جۇقتىرۋ تاۋەكەلى توبىنا كىرەتىن ادامدار، قارتتار جانە 18 جاسقا دەيىنگى بالالار كىرەدى. دەگەنمەن، بۇل ساناتتاعى ادامداردىڭ ناقتى قايسىسى تەستتەن وتەتىندىگى قازىرگى ۋاقىتتا ناقتىلانىپ جاتىر.

«وليمپ» جەكەمەنشىك زەرتحاناسى مۇنداي تەستىلەۋدى اقىلى تۇردە دە وتكىزەتىنى بەلگىلى بولدى. «ال ءبىز تەستتى پوليمەرازدى تىزبەكتى رەاكسيا- دياگنوستيكاسى ادىسىمەن ناقتى اۋرۋ جۇقتىرۋى مۇمكىن ناۋقاستارعا تەگىن جۇرگىزەمىز»، - دەدى ل. بيۋرابەكوۆا.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات