13:34, 26 - ناۋرىز 2020 | GMT +6
الماتىدا دارىگەرلەر قورعانىس كوستيۋمدەرىن وزدەرى تىگىپ جاتىر دەگەن اقپارات جالعان
الماتى. قازاقپارات - الماتى قالالىق دەنساۋلىق ساقتاۋ باسقارماسى جەدەل جاردەم قىزمەتكەرلەرى جۇقپالى ىندەتكە قارسى كيەتىن كوستيۋمدەردى وزدەرى تىگىپ الىپ جاتىر، - دەگەن اقپاراتتى جوققا شىعاردى، دەپ حابارلايدى قازاقپارات ءتىلشىسى.
«بۇل اقپارات شىندىققا جاناسپايدى. الماتى قالاسىنداعى جەدەل جاردەم بريگاداسى تولىقتاي جەكە قورعانىس قۇرالدارىنىڭ بارلىق تۇرىمەن جەتكىلىكتى مولشەردە جابدىقتالعان. اتاپ ايتقاندا، بۇگىندە قالانىڭ مەديتسينالىق ستانسيالارى مەن قوسالقى ستانسيالارىندا 400 دەن استام مەديتسينالىق كوستيۋمدەر بار. جەدەل جاردەم بريگاداسى جەكە قورعانىس قۇرالدارىن ءار شاقىرۋدان سوڭ جاڭارتىپ وتىرادى. ارنايى كولىكتەردى زالالسىزداندىرۋ جۇمىستارىنا كەلەتىن بولساق، بۇل پروتسەدۋرا سانيتارلىق- ەپيدەميولوگيالىق تالاپقا ساي جۇزەگە اسىرىلادى»، - دەلىنگەن حابارلامادا.
اۆتور: الما مۇقانوۆا