+7 (701) 759 90 19
5 °С : نۇر-سۇلتان
13 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

وڭتۇستىك كورەيادا سوتتالعان قازاقستاندىقتىڭ جازاسىن وتەۋ مەرزىمى قىسقارتىلدى

26 ناۋرىز 13:23
:ءبولىسۋ
وڭتۇستىك كورەيادا سوتتالعان قازاقستاندىقتىڭ جازاسىن وتەۋ مەرزىمى قىسقارتىلدى

نۇر-سۇلتان. قازاقپارات - 2020 -جىلدىڭ 26-ناۋرىزىندا چانگۆون قالاسىندا قازاقستان ازاماتى سىرىم شارىبەككە قاتىستى ءىس بويىنشا اپەللياتسيالىق سوتتىڭ قورىتىندى وتىرىسى ءوتتى، دەپ حابارلايدى قازاقپارات.

«سوت وتىرىسىنا قازاقستاندىق ديپلوماتتار دا قاتىستى. كورەياداعى ق ر ەلشىلىگىنىڭ قولداۋىمەن اۋدارماشى قىزمەتى اقىسىز نەگىزدە ۇسىنىلدى. تىڭداۋ بارىسىندا سوت بۇرىن شىعارىلعان ۇكىمدى (2 -جىل 6 اي) تىم قاتاڭ دەپ ساناپ، باس بوستاندىعىنان ايىرۋ مەرزىمىن تۇزەۋ جۇمىستارىمەن قوسا العاندا 2 جىلعا دەيىن قىسقارتۋ تۋرالى شەشىم قابىلدادى. سونىمەن قاتار، قورعاۋ تاراپىنىڭ كورەيا رەسپۋبليكاسىنىڭ جوعارعى سوتىنا 7 كۇن ىشىندە اپپەلياتسياعا بەرۋ قۇقىعى بار. اتالعان ۋاقىت بويى س. شارىبەك تەرگەۋ يزولياتورىندا بولادى. ال اپەللياتسيا بولماعان جاعدايدا چانگۆون قالاسىنىڭ تۇرمەسىنە اۋىستىرىلادى»، - دەپ حابارلادى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ. جازانى وتەۋ مەرزىمى ۇستالعان ساتتەن، ياعني 2019 -جىلدىڭ 14-قازانىنان باستاپ ەسەپتەلەدى. وسىلايشا، جازانىڭ جالپى مەرزىمى 1 جىل 6 ايدى قۇرايدى. «ءبىزدىڭ وتانداسىمىزدىڭ جاعدايى جاقسى، ونىڭ ەشقانداي شاعىمى جوق»، - دەيدى ايبەك سمادياروۆ.

ەسكە سالا كەتسەك وسى جىلدىڭ باسىندا وڭتۇستىك كورەيادا بالانى قاعىپ كەتكەن قازاقستاندىق سىرىم شارىبەك ەكى جىل التى اي مەرزىمگە باس بوستاندىعىنان ايىرىلعان بولاتىن.

اۆتور: ايان بەكەن ۇلى


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات