تارازعادا توتەنشە جاعداي رەجيىمى ەنگىزىلدى
ناتيجەسىندە 361 ءبىلىم بەرۋ جانە سپورت مەكەمەلەرى ءوز جۇمىسىن توقتاتتى، دەپ حابارلايدى قازاقپارات وبلىس اكىمىنىڭ باسپا ءسوز قىزمەتىنە سىلتەمە جاساپ.
مامانداندىرىلعان ءتورت ۇيىم تاراز قالاسىنداعى بارلىق ايالدامالاردا كۇن سايىن دەزينفەكسيا جۇمىستارىن جۇرگىزۋدە. بۇل بويىنشا 42 ادامنان تۇراتىن 18 بريگادا قۇرىلعان. ولار 12 تەحنيكانىڭ كومەگىمەن كۇنىنە ەكى رەت 513 اۆتوبۋس ايالداماسىن دەزينفەكسيالايدى.
جۇمىس ىستەپ تۇرعان بارلىق ءدامحانا، مەيرامحانا، قوناق ءۇي، دەنساۋلىق ساقتاۋ ۇيىمدارى، ءدىني مەكەمەلەر، بازارلار، ساۋدا ورتالىقتارى مەن دۇكەندەردە دەزينفەكسيالىق ءىس- شارالار وتكىزىلىپ، ءتۇسىندىرۋ اقپاراتى بار ستەندتەر مەن انتيسەپتيكتەر ورناتىلعان.
ادام كوپ جينالاتىن سوت، حالىققا قىزمەت كورسەتۋ ورتالىقتارى، پوليتسيا بولىمدەرى، ۋاقىتشا ۇستاۋ يزولياتورى جانە قابىلداۋ-تاراتۋ ورىندارىندا زالالسىزداندىرۋ شارالارى اتقارىلعان. تاراز قالاسىنداعى 10 ءدارىحانادا كۇن سايىن 30 مىڭ مەديتسينالىق ماسكا ساتىلۋدا. سونىمەن قاتار، جەرگىلىكتى كاسىپكەرلەردىڭ باستاماسىمەن ءتورت مىڭنان استام مەديتسينالىق بەتپەردە دايىندالۋىپ، كوپبالالى انالارعا تەگىن تاراتىلۋدا.