توتەنشە جاعداي كەزىندە حالىققا قىزمەت كورسەتۋ ورتالىقتارى قالاي جۇمىس ىستەيدى
مۇنداي تاپسىرمانى مەملەكەت باسشىسى قاسىم-جومارت توقايەۆ بەرگەن بولاتىن، دەپ حابارلايدى قازاقپارات ءتىلشىسى.
بۇگىنگى تاڭدا قازاقستاندىقتارعا مەملەكەتتىك قىزمەتتەردىڭ %80 «ەلەكتروندىق ۇكىمەت» پورتالى ارقىلى قولجەتىمدى، سونداي-اق قاجەتتى انىقتامالاردى eGov Mobile موبيلدىك قوسىمشاسى جانە Telegram-داعى egovkzbot2.0 بوتى ارقىلى الۋعا بولادى. ح ق و- نىڭ تاجىريبەلى جانە ارنايى وقۋدان وتكەن 1800 دەن استام قىزمەتكەرى، سونىڭ ىشىندە الماتى فيليالىنىڭ 50 قىزمەتكەرى «1414» بايلانىس ورتالىعىنىڭ كەڭەس بەرۋشىلەرىمەن بىرگە ازاماتتارعا مەملەكەتتىك قىزمەتتەردى ونلاين تۇردە الۋ بويىنشا كومەك كورسەتەتىن بولادى.
ءبىر ۋاقىتتا بايلانىس ورتالىعىنىڭ ماماندارى مىڭنان استام ازاماتقا كەڭەس بەرە الادى دەپ جوسپارلانۋدا. بايلانىس ورتالىقتارى دۇيسەنبىدەن سەنبىگە دەيىن تاڭعى 9.00 دەن كەشكى 20.00-گە دەيىن جۇمىس ىستەيدى. قوڭىراۋ شالۋ تەگىن.
بۇدان بولەك، «ازاماتتارعا ارنالعان ۇكىمەتتىڭ» 200 دەن استام قىزمەتكەرى، ونىڭ ىشىندە الماتى قالاسى فيليالىنىڭ 30 مامانى بەينەقوڭىراۋ ارقىلى قىزمەت الۋشىلاردى موبيلدىك ازاماتتار بازاسىندا تىركەيتىن بولادى. سونىمەن قاتار، الماتى فيليالىنىڭ 50 مامانى قاشىقتان جۇمىس ىستەپ، ازاماتتارعا ۇيالى تەلەفون ارقىلى ونلاين قىزمەت الۋعا كومەكتەسەدى. بۇل رەتتە، 21-ناۋرىزعا دەيىن ءوتىنىش بەرىپ ۇلگەرگەن ازاماتتار قىزمەتتەردىڭ دايىن ناتيجەسىن ءوزى ءوتىنىش بەرگەن ح ق و- نىڭ قۇجات بەرۋ سەكتورىنان الىپ كەتە الادى. كولىكتى قايتا تىركەگەن نەمەسە جۇرگىزۋشى كۋالىگىن ونلاين تۇردە اۋىستىرعان اۆتوكولىك يەلەرى دايىن قۇجاتتار مەن نومىرلەردى ءوز قالالارىنداعى مامانداندىرىلعان ح ق و-دان الا الادى، دايىن قۇجاتتاردى بەرۋ تەرەزەسى جۇمىس ىستەيدى. دايىن قۇجاتتاردى بەرۋ تەرەزەلەرىنىڭ جۇمىس ءتارتىبى: دۇيسەنبى- جۇما 9.00-دەن 17.00 گە دەيىن، سەنبى ساعات 9.00 دەن 14.00 گە دەيىن.
«ازاماتتارعا ارنالعان ۇكىمەت» قازاقستاندىقتارعا بارلىق سانيتارلىق تالاپتاردى ورىنداپ، ۇيدەن شىقپاۋعا كەڭەس بەرەدى جانە كەرەكتى مەملەكەتتىك قىزمەتتەردى ونلاين الۋعا شاقىرادى.
اۆتور: الما مۇقانوۆا