+7 (701) 759 90 19
32 °С : نۇر-سۇلتان
29 °С : الماتى
USD 411.54 EUR 458.13
RUB 5.84 CNY 57.64
جاڭالىقتار

ەلورداعا ادام تاسىعان تاكسيست كوروناۆيرۋس كۇدىگىمەن اۋرۋحاناعا جاتقىزىلدى

26 ناۋرىز 11:05
:ءبولىسۋ
ەلورداعا ادام تاسىعان تاكسيست كوروناۆيرۋس كۇدىگىمەن اۋرۋحاناعا جاتقىزىلدى

نۇر-سۇلتان. قازاقپارات - 25 -ناۋرىزعا قاراعان ءتۇنى ەلوردانىڭ ەكى تۇرعىنى تالاپكەر اۋىلىنىڭ ماڭىندا ورنالاسقان وتكىزۋ- باقىلاۋ بەكەتى ارقىلى وتۋگە تىرىسقان.

ولار مالديۆ ارالدارىندا (1ب ساناتقا جاتادى) دەمالىپ كەلگەن تۋريستەر، دەپ حابارلايدى astana.gov.kz سايتى.

ەكى ازامات نۇر-سۇلتانعا قوستاناي وبلىسى ارقىلى تاكسيمەن كەلگەن. تاكسي جۇرگىزۋشىسى ەلورداعا جەتپەي ەكى ازاماتتى وتكىزۋ- باقىلاۋ بەكەتىنىڭ قاسىنان تاستاپ كەتكەن. وتكىزۋ-باقىلاۋ بەكەتىندە مەديتسينا جانە پوليتسيا قىزمەتكەرلەرى ازاماتتاردىڭ دەنساۋلىعىن تەكسەرىپ، بارلىق قاجەتتى شارالاردى قابىلدادى. ولار جەدەل تۇردە ستاتسيونارعا جەتكىزىلىپ، كوروناۆيرۋس ينفەكسياسىنا ساراپتامادان ءوتتى. ال تاكسي جۇرگىزۋشىسى پەتروپاۆلدا ۇستالدى.

ول دا ستاتسيونارعا جىبەرىلدى. ەلوردا اكىمدىگى ءتارتىپ بۇزعاندار قاتاڭ تۇردە جازالاناتىنىن ەسكە سالادى. قالا ماڭىندا وتكىزۋ- باقىلاۋ بەكەتتەرى ورناتىلعان. 22-ناۋرىز ساعات 00-دەن باستاپ ەلورداعا كىرۋگە دە، شىعۋعا دا تىيىم سالىندى. وسى ارالىقتا قالاعا كەلىپ-كەتۋ ءتارتىبىن بۇزۋدىڭ 46 فاكتىسى تىركەلدى، 29 ءتارتىپبۇزۋشى 15 تاۋلىككە قاماۋعا الىندى. كەي ادامدارعا ايىپپۇل سالىنسا، باسقالارى سوت شەشىمىن كۇتىپ وتىر.


باستى سوزدەر: قوعام, دةنساؤلئق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049

مۇراعات