12:20, 26 - ناۋرىز 2020 | GMT +6
كوروناۆيرۋسپەن كۇرەسكە ارميا تارتىلماق
بريۋسسەل. قازاقپارات - فرانسيا پرەزيدەنتى ەممانۋەل ماكرون سارسەنبىدە COVID-19 كوروناۆيرۋسىنا قارسى كۇرەستە ارميالىق وپەراتسيانىڭ باستالىپ، دەنساۋلىق ساقتاۋ جۇيەسىنە قوماقتى ينۆەستيتسيالار سالىناتىنى تۋرالى جاريا ەتتى.
بۇل تۋرالى France 24-كە سىلتەمە جاساعان قازاقپارات ءتىلشىسى حابارلايدى.
ميۋلۋزدا وتكەن باسپا ءسوز كونفەرەنتسياسىندا ءسوز سويلەگەن ماكرون داعدارىستى ەڭسەرۋ بويىنشا جان جاقتى شارالار قولدانىلاتىنىن ايتتى.
«تۇراقتىلىق» اتتى جاڭا وپەراتسيانىڭ اياسىندا ارميا ماتەريالدىق-تەحنيكالىق جانە مەديتسينالىق قامتاماسىز ەتۋدە كومەك كورسەتەدى.
سونداي-اق، فرانسيا كاريب باسسەينى، وڭتۇستىك امەريكا جانە ءۇندى مۇحيتىنداعى تەڭىزدىڭ ارعى جاعىنداعى اۋماعىنان پاتسيەنتتەردى تاسىمالداۋ ءۇشىن تىكۇشاقتار جۇمىلدىرادى.
ەسكە سالا كەتەيىك، 25- ناۋرىزداعى جاعداي بويىنشا، فرانسيادا كوروناۆيرۋس جۇقتىرعان ادامدار سانى 25233 كە جەتىپ، 1331 ادام كوز جۇمعان.