الماتى وبلىسىنىڭ تۇرمەلەرىندە جاپپاي ماسكا تىگىلىپ جاتىر

None
None
تالدىقورعان. قازاقپارات - الماتى وبلىسىنىڭ تۇزەتۋ مەكەمەلەرىندە جازاسىن وتەپ جاتقان ازاماتتار جاپپاي ماسكا تىگىپ جاتىر.

وسىلايشا سوتتالعاندار كورونوۆيرۋستىڭ تارالۋىنا قارسى كۇرەسكە ءوز ۇلەسىن قوسۋدا، دەپ حابارلايدى قازاقپارات ءتىلشىسى.

ەلىمىزدە كوروناۆيرۋستىڭ تارالۋىنا بايلانىستى ق ر ىشكى ىستەر ءمينيسترى ەرلان تۇرعىمبايەۆتىڭ تاپسىرماسىمەن باقىلاۋ بەكەتتەرىندە تۇرعان بارلىق قىزمەتكەرلەر مەديتسينالىق ماسكامەن قامتاماسىز ەتۋ مىندەتتەلدى.

وسىعان وراي الماتى وبلىسىنداعى زارەچنىي، جاۋعاشتى اۋىلدارىنداعى تۇرمەلەردە بەتپەردە تىگۋ جولعا قويىلدى. قازىرگى تاڭدا 200 گە جۋىق سوتتالعان ەكى اۋىسىمدا ماسكا تىگىپ جاتىر.

قوسىمشا 50 گە جۋىق جازاسىن وتەۋشى ۇيرەتىلۋدە. جاۋعاشتىداعى ايەلدەر كولونياسىندا ماسكا ماتاسىن كەسىپ، ءپىشىپ دايىنداپ بەرسە زارەچنىي تۇرمەسىندە تىگىن ماشيناسىمەن تىگىپ، ىلگىشىن تاعىپ، ستەريلدى ەتىپ شىعارۋدا. ءار سوتتالۋشى اۋەل باستا 5-10 ماسكا شىعارسا قازىر كۇنىنە 70-80 بەتپەردە ازىرلەيدى. ال تاۋلىگىنە 7,5-8 مىڭ دانا تىگىلەدى.

«لا 155/8» مەكەمەسىندە جازاسىن وتەپ جاتقان الماس ەسىمدى ازامات تا بىرنەشە كۇندە ماسكا تىگۋدىڭ شەبەرىنە اينالدى.

«Covid-19 پاندەمياسىمەن كۇرەسۋگە سوتتالعاندار اتىنان ۇلەسىمىزدى قوسىپ جاتىرمىز. بۇل جەردە اقشامىزدى تولەپ جاتىر جاقسى. مەملەكەت بىزگە تاپسىرىس بەردى. ودان باسقا ۇكىمەت الدىندا ارىمىز تازا بولۋ ءۇشىن كەيبىر سوتتالعاندار ءوزىنىڭ ءبىر كۇندىك جالاقىسىن تەگىن حالقىمىزعا كومەككە بەردىك»، - دەيدى سوتتالۋشى.

الماتى وبلىسىنداعى تۇزەتۋ مەكەمەلەرىنە 150 مىڭ ماسكاعا قاجەت ماتا جەتكىزىلگەن. مۇنان بولەك جازاسىن وتەپ جاتقانداردىڭ دا قاۋىپسىزدىگى قامتاماسىز ەتىلىپ، قورعانىس زاتتار تاراتىلىپ تۇرادى.

سوڭعى جاڭالىقتار