09:59, 26 - ناۋرىز 2020 | GMT +6
كارانتيندەگى نۇر-سۇلتان مەن الماتىعا كىمدەر كىرىپ-شىعا الادى
نۇر-سۇلتان. قازاقپارات - كارانتيندەگى نۇر-سۇلتان مەن الماتى قالاسىنا كولىكتەر مەن ادامدار اكىمدىك ءتىزىمى بويىنشا كىرىپ-شىعادى.
بۇل تۋرالى «حابار 24» تەلەارناسىنىڭ تىكەلەي ەفيرىنەن ق ر اقپارات جانە قوعامدىق دامۋ ءمينيسترى داۋرەن ابايەۆ ايتتى، دەپ حابارلايدى قازاقپارات ءتىلشىسى.
«سەرگەك» جۇيەسىن جاساۋشى كومپانيا پوليتسيا دەپارتامەنتىنىڭ پلانشەتتەرىنە ارنايى موبيلدى قوسىمشا ەنگىزدى. سول ارقىلى پوليتسيا قىزمەتكەرلەرى بلوك-بەكەتتەر ارقىلى كىرىپ-شىققان كولىكتەر مەن ادامداردى ەسەپكە الادى»، - دەدى مينيستر.
سونداي-اق ونىڭ اتاپ وتۋىنشە، وسى موبيلدى قوسىمشا كولىكتىڭ ءنومىرى مەن جۇرگىزۋشىنىڭ رۇقسات ەتىلگەن تىزىمدە بار-جوعىن انىقتاۋعا مۇمكىندىك بەرەدى.
«بۇل ءتىزىمدى اكىمدىك جاسايدى. تىزىمدە مىسالى، قالاعا ازىق-تۇلىك، ءدارى اكەلەتىن ادامدار مەن كولىكتەر كىرگىزىلەدى. ال تىزىمدە جوق ازاماتتار بلوك-بەكەت ارقىلى وتە المايدى»، - دەدى داۋرەن ابايەۆ.