قازاقستاندا كولىك جەلىلەرى تۋرالى ينتەراكتيۆتى كارتا جاسالدى

نۇر-سۇلتان. قازاقپارات - ق ر يندۋستريا جانە ينفراقۇرىلىمدىق دامۋ مينيسترلىگى «قازاق تەلەكوم» ا ق- مەن بىرلەسىپ كولىك بويىنشا ينتەراكتيۆتى كارتا جاسادى، دەپ حابارلايدى قازاقپارات.

حالىقتى كولىك باعىتتارى مەن دالىزدەرىنىڭ قولجەتىمدىلىگى تۋرالى بارىنشا اقپاراتتاندىرۋ ماقساتىندا مينيسترلىك «قازاق تەلەكوم» كومپانياسىمەن بىرلەسىپ، كولىك جەلىلەرىنىڭ قولجەتىمدىلىگى (جابىق جانە اشىق باعىتتار) تۋرالى ينتەراكتيۆتى كارتا جاسادى.

وسى كارتا ارقىلى تۇرعىندار ناقتى ۋاقىت رەجىمىندە قانداي دا ءبىر جول باعىتتارىنىڭ قولجەتىمدىلىگىن (اۋە كولىگى، تەمىرجول كولىگى، اۆتوكولىك) قاراپ وتىرا الادى.

كارتامەن مىنا سىلتەمە ارقىلى تانىسۋعا بولادى.