+7 (701) 759 90 19
0 °С : نۇر-سۇلتان
7 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

توتەنشە جاعدايعا بايلانىستى تابىسىنان ايىرىلعاندارعا اقشالاي تولەم قالاي بەرىلەدى

26 ناۋرىز 11:41
:ءبولىسۋ
توتەنشە جاعدايعا بايلانىستى تابىسىنان ايىرىلعاندارعا اقشالاي تولەم قالاي بەرىلەدى

نۇر-سۇلتان. قازاقپارات - توتەنشە جاعداي كەزەڭىندە تابىسىنان ايىرىلعان قازاقستاننىڭ جۇمىس ىستەيتىن ازاماتتارى مەملەكەتتىك الەۋمەتتىك ساقتاندىرۋ قورىنان اقشالاي تولەم الادى.

بۇل تۋرالى «حابار 24» تەلەارناسىنىڭ تىكەلەي ەفيرىنەن ق ر اقپارات جانە قوعامدىق دامۋ ءمينيسترى داۋرەن ابايەۆ ايتتى، دەپ حابارلايدى قازاقپارات ءتىلشىسى.

«كەشە حابارلاعانىمداي، ب ا ق پەن ازاماتتاردىڭ كەلىپ ءتۇسىپ جاتقان ساۋالداردىڭ باسىم بولىگى توتەنشە جاعدايدىڭ ەنگىزىلۋىنە بايلانىستى تابىسىنان ايىرىلعاندارعا اقشالاي تولەم جاساۋعا قاتىستى بولىپ وتىر. جالاقىسىز ەڭبەك دەمالىسىنا ءماجبۇرلى تۇردە شىعۋىنا بايلانىستى توتەنشە جاعداي كەزەڭىندە كىرىسىنەن ايىرىلعان قازاقستاننىڭ جۇمىس ىستەيتىن ازاماتتارى مەملەكەتتىك الەۋمەتتىك ساقتاندىرۋ قورىنان تولەم الادى. 1 جۇمىسشىعا الەۋمەتتىك تولەمنىڭ كولەمى ايىنا 1 ەڭ تومەنگى جالاقىنى نەمەسە 42,5 مىڭ تەڭگەنى قۇرايدى»، - دەدى مينيستر.

ونىڭ اتاپ وتۋىنشە، مەملەكەتتىك الەۋمەتتىك ساقتاندىرۋ قورىنان جاڭا تولەم قازاقستان اۋماعىندا جۇمىس ىستەيتىن ەل ازاماتتارىنا بەرىلەدى.

تولەم الۋدىڭ ارنايى شارتتارى دا بار. الدىمەن توتەنشە جاعدايدىڭ جاريالانۋىنا بايلانىستى جالاقىسى ساقتالماي دەمالىسقا جىبەرىلگەن جۇمىسشىعا الەۋمەتتىك تولەم بەرىلەدى. تولەم الۋ ءۇشىن توتەنشە جاعداي ەنگىزىلگەن داتاعا دەيىنگى سوڭعى 12 ايدىڭ كەمىندە 3 ايىندا ازاماتتارى مەملەكەتتىك الەۋمەتتىك ساقتاندىرۋ قورىنا جۇمىسشى ءۇشىن اۋدارىم جاسالۋى قاجەت.

الەۋمەتتىك تولەم ورتا، شاعىن جانە ميكروبيزنەس جۇمىسشىلارى ءۇشىن عانا جۇزەگە اسىرىلادى. جاڭا الەۋمەتتىك تولەمدى تاعايىنداۋ ءۇشىن جۇمىس بەرۋشى جۇمىسپەن قامتۋ ماسەلەلەرى جونىندەگى جەرگىلىكتى ورگانعا جۇگىنىپ، توتەنشە جاعداي كەزىندە قىزمەتىنىڭ شەكتەلۋىنە بايلانىستى جۇمىسشىسىنىڭ كىرىسىنەن ايىرىلاتىنىن دالەلدەيتىن قۇجات ۇسىنۋى قاجەت.



باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات