+7 (701) 759 90 19
14 °С : نۇر-سۇلتان
13 °С : الماتى
USD 405.69 EUR 455.51
RUB 5.72 CNY 57.42
جاڭالىقتار

پوليتسيا مەن ۆولونتەرلەر ەلورداعا اپاراتىن اينالما جولداردى باقىلاۋدا

26 ناۋرىز 11:29
:ءبولىسۋ
پوليتسيا مەن ۆولونتەرلەر ەلورداعا اپاراتىن اينالما جولداردى باقىلاۋدا

كوكشەتاۋ. قازاقپارات - اقمولا وبلىسىندا پوليتسيا قىزمەتكەرلەرى مەن ۆولونتەرلەر ەلورداعا اپاراتىن اينالما جولداردى باقىلاۋدا، دەپ حابارلايدى قازاقپارات ءتىلشىسى اۋماقتىق پ د باسپا ءسوز قىزمەتىنە سىلتەمە جاساپ.

ۆەدومستۆونىڭ مالىمەتىنشە، 22- ناۋرىزدان باستاپ نۇر-سۇلتان قالاسىنان شىعاتىن جانە كىرەتىن جولدار جابىلدى. الايدا، كەيبىر جۇرگىزۋشىلەر بۇل تالاپتارعا قۇلاق اسپاي اينالما جانە دالا جولى ارقىلى ەلورداعا بارۋعا تىرىسىپ باعۋدا.

وسىنداي زاڭ بۇزۋشىلىققا جول بەرمەۋ ءۇشىن ءتارتىپ ساقشىلار ەلورداعا قاتىنايتىن كۇرە جولدان بولەك، اينالما جانە قارا جولداردا دا باقىلاۋدى كۇشەيتۋدە.

«قازىرگى كەزدە ەلورداعا اپاراتىن جولداردى باقىلاۋ ماقساتىندا توپوگرافيكالىق سپۋتنيك كارتاسى زەرتتەلۋدە. سونداي-اق، اۋماقتى باقىلاۋ ءۇشىن كۆادروكوپتەر پايلانۋدا. دەپارتامەنت باسشىلىعىنىڭ تاپسىرماسىمەن كارانتين اۋماعىنا زاڭسىز كىرۋ وقيعاسىن جەدەل الدىن الۋ بويىنشا جول تالعامايتىن قىزمەتتىك كولىك، قاردا جۇرەتىن كولىك سياقتى ارنايى تەحنيكا قولدانىلۋدا»، - دەيدى ۆەدومستۆودان.

ءتارتىپ ساقشىلارىنا جاقىن ماڭداعى ەلدى مەكەندەردە تۇراتىن قاردا جۇرەتىن كولىكتەردىڭ يەلەرى كومەكتەسۋدە. ولار ۆولونتەر رەتىندە ەلوردا سىرتىندا بلوك بەكەتتەر اۋماعىن باقىلاۋدا.

ايتا كەتەيىك، ق ر ءى ءى م تاپسىرماسىمەن نۇر-سۇلتان قالاسىنان 30 شاقىرىم راديۋستەگى اقمولا وبلىسىنىڭ جولدارىنىڭ بارلىق باعىتىندا 15 بلوك بەكەت ورنالاسقان. وندا پوليتسيانىڭ 100 استام قىزمەتكەرى تاۋلىك بويى باقىلاۋ جۇرگىزەدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات