ەلوردادا قوعامدىق كولىك قوزعالىسى تولىق توقتاتىلۋى مۇمكىن
كومپانيا مالىمەتىنشە، نۇر-سۇلتان قالاسىندا كوروناۆيرۋس ينفەكتسياسىنىڭ تارالۋىنا قارسى جەدەل شتاب شەشىمىمەن 2020-جىلعى 26- ناۋرىزدان باستاپ قوعامدىق كولىكتىڭ جۇمىس كەستەسى وزگەرەدى.
اۆتوبۋستاردىڭ جۇمىس كەستەسى ەندى 21:00 گە دەيىن ەمەس، 19:00 گە دەيىن بولادى. سونىمەن قاتار، 28- ناۋرىزدان باستاپ كارانتيندىك ايماققا كىرەتىن قالا ماڭىنداعى بارلىق باعىتتار توقتاتىلادى.
ولار: قوسشى، تايتوبە، جىبەك جولى، تالاپكەر، قوياندى، قىزىلسۋات، ى. التىنسارين، نۇرلى اۋىلدارى (301، 302، 303، 304، 306، 307، 313، 314، 319، 320، 321، 322، 326).
وعان دەيىن، 21- ناۋرىزدان باستاپ كارانتين ايماعىنا كىرمەيتىن قالا ماڭىنداعى اقمول، قابانباي باتىر، ر. قوشقاربايەۆ، ماكسيموۆكا، ۆوزدۆيجەنكا، ارشالى، جالتىركول، سوفيەۆكا، مالوتيموفەيەۆكا جانە شۇبار (300، 305، 308، 309، 310، 311، 312، 315، 316، 317 جانە 318) اۋىلدارىنا جۇرەتىن اۆتوبۋستار توقتاتىلدى.
شەكتەۋ شارالارى مەن وزگەرىستەر كارانتين اياقتالعانعا دەيىن ەنگىزىلەدى.
«بۇگىنگى كۇنى اۆتوبۋستا قولما-قول اقىسىز تولەم جاساۋ - 98 پايىز. COVID-19 جۇقتىرۋ قاۋپىن ازايتۋ ماقساتىندا جولاۋشىلارعا اقىسىز تولەمگە وتۋگە كەڭەس بەرىلەدى. بارلىق تاريف جوسپارلارىن جانە كولىك كارتالارىن ءبىزدىڭ كاسسالارىمىزدان، RTVM- اۆتوماتتارىنان، لەزدە تولتىرۋ پۋنكتەرىنەن جانە City Transportation Systems قاشىقتىق سەرۆيستەرىنەن تولىقتىرۋعا بولادى.
قاشىقتان تولتىرۋ ورىندارىن، سونىمەن قاتار SMS جانە QR تالاپتارى www.transcard.kz سايتىندا كورسەتىلگەن.
كارانتين قاتاڭداتىلعان جاعدايدا نۇر-سۇلتان قالاسىندا كوروناۆيرۋس جۇقپاسىنا قارسى جەدەل شتاب قوعامدىق كولىكتى تولىقتاي توقتاتۋ تۋرالى ماسەلەنى كوتەرۋى مۇمكىن»، - دەپ اتاپ وتەدى كومپانيادان.