+7 (701) 759 90 19
0 °С : نۇر-سۇلتان
5 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

كورونۆيرۋس جۇقتىرعان شىمكەنتتىك مىنگەن اۆتوبۋستىڭ ءنومىرى جاريالاندى

25 ناۋرىز 21:24
:ءبولىسۋ
كورونۆيرۋس جۇقتىرعان شىمكەنتتىك مىنگەن اۆتوبۋستىڭ ءنومىرى جاريالاندى

نۇر-سۇلتان. قازاقپارات - كوروناۆيرۋس جۇقتىرعان شىمكەنتتىك جىگىتپەن ءبىر اۆتوبۋستا بولعان جولاۋشىلار ىزدەستىرىلىپ جاتىر.

رەيستىڭ قالاعا قاشان، قالاي كەلگەنى ايتىلىپ، كولىكتىڭ ءنومىرى جاريا ەتىلدى، دەپ حابارلايدى قازاقپارات coronavirus2020.kz سايتىنا سىلتەمە جاساپ.

«نۇر-سۇلتان قالاسىنان جەتىسايعا (تۇركىستان وبلىسى) مەملەكەتتىك ءنومىرى «646 FNB 13» اۆتوبۋسپەن ساپار شەككەن جولاۋشىلار كوروناۆيرۋس ينفەكتسياسىنا ساراپتاما تاپسىرۋ جانە ودان ارى كارانتينگە ورنالاسۋ ءۇشىن تۇرعىلىقتى نەمەسە تىركەلگەن جەرى بويىنشا 103 قىزمەتىنە جۇگىنۋى قاجەت»، - دەلىنگەن شۇعىل تاراتىلعان اقپاراتتا.

سايت مالىمەتىنشە، اۆتوبۋس نۇر-سۇلتان قالاسىنان 19- ناۋرىز كۇنى ساعات 17:30 دا جولعا شىققان. شىمكەنت قالاسىنا 21- ناۋرىز كۇنى ساعات 23:30 دا كەلىپ، «بەكجان بازارى» ايالداماسىنا توقتاعان.

ال جەتىساي قالاسىنا 22- ناۋرىز كۇنى تاڭەرتەڭ جەتكەن. قازىرگى ساتتە اۆتوبۋستا بولعان 51 جولاۋشىنىڭ 41 ءى تابىلىپ، بارلىعى ستاتسيونارلىق كارانتينگە جاتقىزىلدى. ۆيرۋس جۇقتىرعان شىمكەنتتىكپەن اۆتوبۋستا بىرگە كەلگەن 16 جولاۋشى ىزدەستىرىلىپ جاتقانىن بۇعان دەيىن حابارلاعان ەدىك.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات