+7 (701) 759 90 19
0 °С : نۇر-سۇلتان
7 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

دەزينفەكسيالىق « اسكەر» : نۇر- سۇلتاندا كوشەلەر قالاي زارارسىزداندىرىلىپ جاتىر

25 ناۋرىز 18:48
:ءبولىسۋ
دەزينفەكسيالىق « اسكەر» : نۇر- سۇلتاندا كوشەلەر قالاي زارارسىزداندىرىلىپ جاتىر

نۇر- سۇلتان. قازاقپارات - نۇر- سۇلتان قالاسىندا كوروناۆيرۋس ينفەكتسياسىنىڭ تارالۋىن بولدىرماۋ ءۇشىن دەزينفەكتسيالاۋ بويىنشا اۋقىمدى جۇمىستار جۇرگىزىلىپ جاتىر، دەپ حابارلايدى قازاقپارات.

بىرىنشىدەن، قالا كوشەلەرى، تروتۋارلار، ايالدامالار جانە باسقا دا قوعامدىق ورىندار كۇندەلىكتى نەگىزدە ارنايى ەرىتىندىلەرمەن دەزينفەكسيادان ءوتىپ جاتىر. دەزينفەكسيالاۋ ءىس- شارالارىن وتكىزۋگە قالالىق قىزمەتتەردەن باسقا قارۋلى كۇشتەردىڭ بيولوگيالىق قورعاۋ بولىمشەسىنىڭ اسكەري قىزمەتشىلەرى دە جۇمىلدىرىلدى. قولدانىلىپ جاتقان ەرىتىندى ادامدار مەن جانۋارلار ءۇشىن قاۋىپسىز. قالا اۋماعىن ەرىتىندىمەن وڭدەۋگە كۇندەلىكتى 450 ادام قاتىسادى.


ەكىنشىدەن، اۋەجايدا، ۆوكزالداردا، الەۋمەتتىك نىسانداردا، بازارلاردا، ساۋدا ويىن- ساۋىق ورتالىقتارىندا جانە باسقا دا ادام كوپ جينالاتىن جەرلەردە دەزينفەكسيالاۋ شارالارى كۇشەيتىلدى. سانيتارلىق ءتارتىپ كۇشەيتىلدى. جۇمىس ورىندارى مەن عيماراتتاردا مۇقيات وڭدەۋ جۇرگىزىلىپ جاتىر. بارلىق قىزمەتكەرلەر مەديتسينالىق ماسكالارمەن، انتيسەپتيكتەرمەن جانە باسقا دا مەديتسينالىق قورعانىس قۇرالدارىمەن قامتاماسىز ەتىلدى.


ۇشىنشىدەن، 2 مىڭنان استام تۇرعىن ءۇي دەزينفەكسيادان ءوتۋى قاجەت. پاتەر يەلەرى كووپەراتيۆتەرى مەن قىزمەت كورسەتۋشى كومپانيالار ءۇي كىرەبەرىستەرىن، ەسىكتەردى، ليفتتەردى، سۇيەنىشتەردى، تەرەزە جاقتاۋلارىن جانە ت. ب. دەزينفەكتسيالاۋعا مىندەتتى. ەلوردادا كوروناۆيرۋس ينفەكسياسىنىڭ تارالۋىنا جول بەرمەۋ بويىنشا بارلىق شارالار قابىلدانىپ جاتىر. جەدەل شتاب جۇمىس ىستەيدى. قالا تۇرعىندارى ءتارتىپتى ساقتاپ، قاجەتسىز ۇيدەن شىقپاۋى، بارلىق قاۋىپسىزدىك شارالارىن ساقتاۋى قاجەت.



باستى سوزدەر: استانا,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات