قاراعاندى وبلىسىنداعى تىگىن فابريكاسى ەرەكشە ماسكالار تىگۋدە
قيىن كەزەڭدە ءوز-ءوزىمىزدى سابىرعا كەلتىرىپ، وپتيميزمدى ساقتاۋ وتە ماڭىزدى. اباي تىگىن فابريكاسىنىڭ شەبەرلەرى جەتەكشىلەرى يرينا ماليۋكپەن بىرگە وسىنداي ۇستانىمدا. كاسىپورىننىڭ بارلىق تىگىنشىلەرى ۇيدە وتىرماي، كوپ رەت قولدانىلاتىن ماسكالار دايىنداۋدا. ول ءۇشىن داكە، شىت نەمەسە ءبوز ماتاسىن - ءبىر سوزبەن ايتقاندا، %100 ماقتا ماتاسىن قولدانادى. بۇل ماسكالاردى جۋۋعا جانە ۇتىكتەۋگە بولادى.
«ءبىزدىڭ تاپسىرىس بەرۋشىلەرىمىز - زاۋىتتار، قۇرىلىس كومپانيالارى، ناۋبايحانالار، مەديتسينالىق مەكەمەلەر، وبلىس تۇرعىندارى. بەتپەردەلەردى نەگىزگى تاپسىرىستارمەن قاتار دايىندايمىز، سوندىقتان ولاردىڭ سانى از - كۇنىنە 2 مىڭ دانادان 4 مىڭعا دەيىن عانا»، - دەيدى يرينا ماليۋك.
ءوز-وزدەرىنىڭ جانە باسقالاردىڭ كوڭىل-كۇيىن كوتەرۋ ءۇشىن فابريكادا اق نەمەسە قارا ماسكا عانا ەمەس، كوڭىلدى اپپليكاتسيالار، كەستە، پوزيتيۆتى جازۋلار تىگە باستاعان.
«ادامدار قايىرىمدى، سابىرلى جانە جاقسى كوڭىل-كۇيدە بولۋى ءۇشىن ەڭبەك ەتىپ جاتىرمىز»، - دەيدى تىگىنشىلەر.