12:53, 25 - ناۋرىز 2020 | GMT +6
جامبىلدا كوروناۆيرۋستى جۇقتىرعان اداممەن بايلانىستا بولعاندار كارانتينگە الىندى
تاراز. قازاقپارات - جامبىل وبلىسىندا كوروناۆيرۋس ينفەكتسياسىن جۇقتىرۋدىڭ العاشقى دەرەگى تىركەلىپ، ناۋقاسپەن بايلانىستا بولعان بارلىق ادام كارانتينگە الىندى، دەپ حابارلايدى قازاقپارات وبلىس اكىمدىگىنە سىلتەمە جاساپ.
بەلگىلەنگەن الگوريتمگە سايكەس جاۋاپتى قىزمەتتەردىڭ بەلسەندى ارەكەتتەرىنىڭ ناتيجەسىندە اۋىرعان ادام ستاتسيونارلىق كارانتينگە وقشاۋلانىپ، دارىگەرلەردىڭ باقىلاۋىنا الىنعان.
حابارلامادا ناۋقاسپەن بايلانىستا بولعان ادامدار انىقتالىپ، ولار دا كارانتينگە ورنالاستىرىلعاندىعى جازىلعان.
سونداي-اق، ۆەدومستۆو الەۋمەتتىك جەلى مەن مەسسەندجەردە جالعان اقپاراتتىڭ تارالۋىنا بايلانىستى تۇرعىنداردى راستالماعان حابارلاماعا سەنبەۋگە جانە جىبەرمەۋگە شاقىرادى. ول ءۇشىن قىلمىستىق جاۋاپكەرشىلىك كوزدەلگەن.
ەسكە سالا كەتسەك، جامبىل وبلىسىندا كوروناۆيرۋس جۇقتىرۋعا قاتىستى جاعداي بويىنشا، 1979-جىلعى ەر ادام ەكەنى بەلگىلى بولدى. ول وڭىرگە قىرعىزستاننان كەلگەن.