10:14, 25 - ناۋرىز 2020 | GMT +6
شىمكەنتتە كوروناۆيرۋس جۇقتىرعان ادام نۇر-سۇلتان قالاسىنان كەلگەن
نۇر-سۇلتان. قازاقپارات - شىمكەنتتە كوروناۆيرۋس جۇقتىرعان ادامنىڭ نۇر-سۇلتان قالاسىنان كەلگەنى بەلگىلى بولدى.
بۇل تۋرالى «حابار 24» تەلەارناسىنىڭ تىكەلەي ەفيرىنەن شىمكەنت قالالىق تاۋارلار مەن كورسەتىلەتىن قىزمەتتەردىڭ ساپاسىن جانە قاۋىپسىزدىگىن باقىلاۋ باسقارماسىنىڭ باسشىسى ءابدىماناپ تولەبايەۆ ايتتى، دەپ حابارلايدى قازاقپارات ءتىلشىسى.
«شىمكەنت قالاسىندا 1 كوروناۆيرۋس جاعدايى تىركەلىپ وتىر. قازىرگى ۋاقىتتا ول شىمكەنت قالاسىنىڭ جۇقپالى اۋرۋلار اۋرۋحاناسىنا وقشاۋلانىپ، ەم-دوم قابىلداپ جاتىر. ول ازامات 20- ناۋرىز كۇنى نۇر-سۇلتان قالاسىنان كەلگەن. ونىمەن قارىم-قاتىناستا بولعان ادامداردىڭ بارلىعى ىزدەستىرىلىپ، تابىلدى. ول ادامدارمەن تولىققاندى ىندەتكە قارسى شارالار جۇرگىزىلىپ جاتىر»، - دەدى ول.