تۇمان، كۇشتى جەل - سارسەنبىگە ارنالعان اۋا رايى

نۇر-سۇلتان. قازاقپارات - سارسەنبىدە ەلىمىزدە اۋا رايى اشىق بولادى، تەك كەي جەرلەردە تۇمان ءتۇسىپ، جەل كۇشەيەدى، دەپ حابارلايدى قازاقپارات قازگيدرومەتكە سىلتەمە جاساپ.

25- ناۋرىزدا انتيتسيكلون ىقپالىندا بولاتىندىقتان قازاقستاننىڭ باسىم بولىگىندە كۇن رايى اشىق بولادى.

كەي جەرلەردە تۇمان كۇتىلەدى، جەل كۇشەيەدى، قىزىلوردا جانە ماڭعىستاۋ وبلىستارىندا شاڭدى داۋىل سوعادى.

قىزىلوردا وبلىسىندا جەل 15-20، كەي جەرلەرىندە 23-28 م/س كۇشەيەدى، كەي جەرلەرىندە شاڭدى داۋىل سوعادى.

جامبىل، تۇركىستان وبلىستارىنىڭ كەي جەرلەرىندە جەل 15-20، ەكپىنى 23-28 م/س كۇشەيەدى، جامبىل وبلىسىندا تۇمان تۇسەدى.

ماڭعىستاۋ وبلىسىنىڭ كەي جەرلەرىندە جەل 15-20 م/س كۇشەيەدى، كۇندىز شاڭدى داۋىل سوعادى.

الماتى، سولتۇستىك قازاقستان، قاراعاندى، شىعىس قازاقستان وبلىستارىنىڭ كەي جەرلەرىندە تۇمان كۇتىلىپ، جەل 15-20 م/س كۇشەيەدى.

اقتوبە، كۇندىز اتىراۋ وبلىستارىنىڭ كەي جەرلەرىندە جەل 15-20 م/س كۇشەيەدى.

اقمولا، باتىس قازاقستان، قوستاناي وبلىستارىنىڭ كەي جەرلەرىندە تۇمان تۇسەدى.