ەلوردانىڭ كوممۋنالدىق قىزمەتى كارانتين كەزىندە دە جۇمىسىن توقتاتپايدى

None
None
نۇر-سۇلتان. قازاقپارات - نۇر-سۇلتان قالاسىنىڭ كوممۋنالدىق قىزمەتى قوعامدىق كولىك ايالدامالارىن، جول جيەكتەرىن، كوشەلەر مەن اۋلالاردى كۇرتىك قاردان تازالاپ، ۇزدىكسىز كولىك بايلانىسىن قامتاماسىز ەتۋ ءۇشىن كۇشەيتىلگەن تارتىپتە جۇمىس ىستەۋدە، دەپ حابارلايدى قازاقپارات ءتىلشىسى.

«كوممۋنالدىق قىزمەتتىڭ بارلىق جۇمىسشىلارى قالا تىرشىلىگى جۇيەسىنىڭ تولاسسىز جۇمىس ىستەۋىن قامتاماسىز ەتۋگە باعىتتالعان. كۇندەلىكتى قار تازالاۋ مەن تازالىق شارالارىنا 1400 بىرلىك تەحنيكا مەن 1600 ادام جۇمىلدىرىلعان. وسى كۇنگە دەيىن 6 ميلليون 500 مىڭ تەكشە مەتر قار شىعارىلدى»، - دەيدى «استانا تازالىق» ماماندارى.

ەلوردا اكىمدىگى باسپا ءسوز قىزمەتىنىڭ مالىمەتىنشە، كارانتين ەنگىزىلگەن ساتتەن باستاپ، قاۋىپسىزدىك شارالارى كۇشەيتىلىپ، قوعامدىق جەرلەر مەن كوشەلەر، اۋلا ءىشى مەن جاياۋ جۇرگىنشىلەر جولىن تازالاۋ قاداعالانۋدا.

قالا سىرتىندا تۇراتىن جۇمىسشىلار كەدەرگىسىز جۇمىستارىنا قاتىناۋدا.

ولار ءتول قۇجاتتىق جانە مەديتسينالىق باقىلاۋدان وتكەننەن كەيىن عانا ىستەرىنە كىرىسەدى.

سونداي-اق، جۇمىسشىلار ماسكا، قولعاپ جانە باسقا دا قورعانىس قۇرالدارىمەن تەگىس قامتىلعان.

نۇر-سۇلتان قالالىق كولىك جانە جول-كولىك ينفراقۇرىلىمىن دامىتۋ باسقارماسىنىڭ اقپاراتىنا قاراعاندا، ەلوردا كوشەلەرىندە ماۋسىمدىق جوندەۋ جۇمىستارى ءالى باستالا قويعان جوق.

«دەگەنمەن، كەي جەرلەردەگى شۇڭقىر جولدار جوندەلىپ جاتىر. جالپى، قالالىق كولىك جولدارىن جوندەۋ جۇمىسى ءساۋىر ايىنىڭ سوڭىندا باستالادى»، - دەپ اتاپ وتەدى باسقارمادان.

سوڭعى جاڭالىقتار