قازاقستاندا وندىرىلگەن زاتتى ساتىپ العاندار ەلدىڭ دامۋىنا ۇلەس قوسادى
بۇل تۋرالى «حابار 24» تەلەارناسىنىڭ تىكەلەي ەفيرىنەن ق ر اقپارات جانە قوعامدىق دامۋ ءمينيسترى داۋرەن ابايەۆ ايتتى، دەپ حابارلايدى قازاقپارات ءتىلشىسى.
«قاراپايىم زاتتار ەكونوميكاسىنىڭ ءمانى نەدە؟ ونىڭ ءمانى - ءبىز كۇندەلىكتى قولداناتىن زاتتاردىڭ بارلىعى ءوز ەلىمىزدە جاسالۋى كەرەك. تاماق، كيىم، جيھاز، تۇرمىستىق حيميا دەگەن سياقتى تاۋارلاردى ءبىز ءوزىمىز وندىرە الامىز. ءبىراق تەك ءوندىرىپ قويا سالۋ جەتكىلىكسىز. ول تاۋارلار نارىقتا باسەكەگە قابىلەتتى، ساپالى جانە قولجەتىمدى بولۋ كەرەك» ، - دەدى داۋرەن ابايەۆ.
ونىڭ اتاپ وتۋىنشە، ءوز تاۋارىمىزدى تۇتىنۋ ارقىلى ءبىز بولاشاعىمىزدى قالىپتاستىرامىز.
«قازاقستاندا وندىرىلگەن زاتتى ساتىپ الىپ جاتقان ءاربىر ازامات ءبىلۋ كەرەك - ول ەلدىڭ كەلەشەگىنە ءوز ۇلەسىن قوسۋدا. بارشاڭىزدى وسىعان شاقىرامىن»، - دەدى مينيستر.