+7 (701) 759 90 19
4 °С : نۇر-سۇلتان
10 °С : الماتى
USD 447.60 EUR 489.41
RUB 5.71 CNY 63.05
جاڭالىقتار

الماتىدا قاريالاردىڭ زەينەتاقىسى ۇيىنە اپارىپ بەرىلەتىن بولدى

25 ناۋرىز 08:35
:ءبولىسۋ
الماتىدا قاريالاردىڭ زەينەتاقىسى ۇيىنە اپارىپ بەرىلەتىن بولدى

الماتى. قازاقپارات - الماتى اكىمدىگى كارانتين مەزگىلىندە 70 جاستان اسقان قاريالاردىڭ زەينەتاقىسىن ۇيىنە دەيىن جەتكىزىپ بەرەتىن بولدى.

بۇل تۋرالى وڭىرلىك كوممۋنيكاتسيالار قىزمەتىندە «قازپوشتا» ا ق الماتى بولىمشەسىنىڭ ديرەكتورى ءاليا سۇگىربايەۆا ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، 70 جاستان اسقاندارعا زەينەتاقى ۇيىنە دەيىن جەتكىزىلەدى.

«اكىمدىكپەن بىرىگە وتىرىپ زەينەتكەرلەرگە زەينەتاقىسىن ۇيىنە دەيىن جەتكىزىپ بەرۋ ماسەلەسى قاراستىرىلىپ جاتىر. «قازپوشتا» 80 جاستان اسقان زەينەتكەرلەرگە دە قىزمەت كورسەتەدى. ءبىز ولارعا بىلاي دا زەينەتاقىسىن جەتكىزىپ بەرەتىنبىز. ەندى ءبىز 70 جاستان اسقان قاريالاردى دا قوسىپ جاتىرمىز. ءبىزدىڭ قىزمەتكەرلەرىمىز بارلىق قورعانىس قۇرالدارىمەن جابدىقتالعان»، - دەدى ول.

ودان بولەك «قازپوشتا» اكىمدىكتىڭ كارانتين مەزگىلىندە قالالىقتاردى قولداۋ باعدارلاماسىن جۇزەگە اسىرۋعا بەلسەنە اتسالىساتىن بولادى.

«الماتى اكىمدىگى ۇيىمداستىرعان الەۋمەتتىك تۇرعىدان از قامتىلعان وتباسىلاردى قولداۋ جوباسى اياسىندا «قازپوشتا» ازىق تۇلىك پاكەتتەرىن لوگيستيكالىق سەرىكتەستەردىڭ ءبىرى بولماق. قازىر بولىمشەدە كۋرەرلەر مەن 70 كولىك دايىن»، - دەدى ءاليا سۇگىربايەۆا.

ودان بولەك قاۋىپسىزدىك ماقساتىندا اداممەن بايلانىس تۋدىرماي جەتكىزۋ تاسىلدەرى قاراستىرىلىپ جاتىر.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات