حالىققا ءبىر رەتتىك تولەم تولەۋ سىندى پوپۋليستىك شارالاردان ادەيى باس تارتتىق - ابايەۆ

نۇر-سۇلتان. قازاقپارات - جاڭا جاعدايداعى مەملەكەتتىك ساياساتتىڭ باستى باعىتى ەكونوميكا بولادى.

بۇل تۋرالى «حابار 24» تەلەارناسىنىڭ تىكەلەي ەفيرىنەن ق ر اقپارات جانە قوعامدىق دامۋ ءمينيسترى داۋرەن ابايەۆ ايتتى، دەپ حابارلايدى قازاقپارات ءتىلشىسى.

«ەندى تىكەلەي پرەزيدەنت تاپسىرمالارىنا توقتالسام، جاڭا جاعدايداعى مەملەكەتتىك ساياساتتىڭ باستى باعىتى ەكونوميكا بولادى. 10 ميلليارد دوللار - بۇل حالىقتىڭ جان باسىنا شاققاندا وتە مول سوما. ءبىز ماسەلەن بۇكىل حالىققا بىررەتتىك تولەم تولەۋ سىندى پوپۋليستىك شارالاردان ادەيى باس تارتتىق. ءبىز مۇنداي يدەيانىڭ حالىق اراسىندا نەلىكتەن تانىمال ەكەندىگىن بىلەمىز. ءبىراق، ونىڭ تيىمدىلىگى قىسقا مەرزىمدى عانا. بۇل جۇيەلى شارا ەمەس. پرەزيدەنت العا قويىپ وتىرعان مىندەت - ىسكەرلىك بەلسەندىلىككە تۇرتكى بەرۋ. بيزنەستى نىعايتۋ، جۇمىس ورىندارىن قۇرۋ. كەز كەلگەن داعدارىس - بۇل مۇمكىندىكتەر تەرەزەسى. ءبىزدىڭ ماقساتىمىز - دۇكەندەر مەن ساۋدا نۇكتەلەرىنىڭ سورەلەرىندە وتاندىق ونىمدەر ۇلەسىن ەسەلەپ ارتتىرۋ»، - دەدى داۋرەن ابايەۆ.

ونىڭ اتاپ وتۋىنشە، بۇل تەك قانا جۇمىس ورىندارىن قۇرۋ ەمەس، سونىمەن قاتار تاۋەلسىز باعا ساياساتى، مۇناي جانە وزگە دە پايدالى قازبالاردىڭ باعاسىنا تاۋەلدىكتىلىكتى تومەندەتۋ سانالادى.

«ۇكىمەت قازىردىڭ وزىندە ناقتى تسيفرلاردى جاريالادى. ماسەلەن، بيزنەستى نەسيەلەۋ 1 تريلليون تەڭگەگە دەيىن ۇلعايتىلدى. سوڭعى مولشەرلەمە 6 پايىز بولادى.

«قاراپايىم حاتتار ەكونوميكاسى» باعدارلاماسىندا باسىمدىققا يە تاۋارلار ءتىزىلىمى كەڭەيتىلەدى.

ميكرو جانە شاعىن بيزنەس ءۇشىن كرەديت سوماسى 360 ميلليون تەڭگەگە دەيىن ارتتىرىلادى. سالىق جەڭىلدىكتەرى بەرىلىپ، تەكسەرۋ سانى تومەندەتىلەدى. يمپورت الماستىرۋ ماقساتىندا قازىردىڭ وزىندە 1 تريلليون تەڭگە سوماعا 258 جوبا ىرىكتەپ الىندى. مۇنىڭ ءوزى 25 مىڭ جۇمىس ورنىن قۇرادى»، - دەدى ول.

مينيستر اۋىل شارۋاشىلىعى سالاسىندا 1 ميلليون 200 مىڭ ادام ەڭبەك ەتىپ جۇرگەنىن دە ايتتى.

«سالانىڭ ەڭ ءبىرىنشى كەزەكتەگى مىندەتى كوكتەمگى ەگىستىك جۇمىستارىن وڭتايلى مەرزىمدە جۇرگىزۋ بولىپ وتىر. قازىردىڭ وزىندە 94 ينۆەستيتسيالىق جوبانى جۇزەگە اسىرۋ باستالدى. جالپى سوماسى - 559 ميلليارد تەڭگە. پرەزيدەنت تاپسىرماسىنا سايكەس، ماڭىزدى ازىق-تۇلىك پوزيتسيالارى بويىنا يمپورتقا تاۋەلدىلىك ماسەلەسىن شەشۋ ءۇشىن 390 ميلليارد تەڭگە قوسىمشا بولىنەتىن بولادى»، - دەدى داۋرەن ابايەۆ.