ساۋالنامانى دۇرىس تولتىرماۋ قاسقانا اۋرۋ جۇقتىرۋمەن تەڭ - ەلجان ءبىرتانوۆ

None
None
نۇر-سۇلتان. قازاقپارات - ساۋالنامانى دۇرىس تولتىرماۋ قاسقانا اۋرۋ جۇقتىرۋمەن تەڭ.

بۇل تۋرالى ق ر دەنساۋلىق ساقتاۋ ءمينيسترى ەلجان ءبىرتانوۆ ايتتى، دەپ حابارلايدى قازاقپارات ءتىلشىسى.

«كارانتيننەن جالتاراتىن ادامدار جوق دەسەك تە بولادى. ەرتەرەكتە كەلگەن بورتتار بار جانە ءبىز پاتسيەنتتەر جۇگىنگەن كەزدە كەلۋشىلەردىڭ اراسىنان دا ۆيرۋس جۇقتىرعاندارى انىقتايمىز. ولار مىندەتتى تۇردە وقشاۋلاۋ رەجىمى ەنگىزىلگەنگە دەيىن كەلگەن بورتتار. مۇنداي جاعدايدا ول ادامداردى ىزدەۋدى جالعاستىرامىز. مىندەتتى تۇردە ءبىر تاۋلىككە وقشاۋلاۋ بارلىعىن ەسەپكە الۋعا مۇمكىندىك بەرەدى. ودان كەيىن ولاردى ىزدەۋدە پروبلاما بولمايدى. سوندىقتان دا بۇگىنگى كۇنى بايلانىستا بولعانداردىڭ 95 پايىزى وقشاۋلانعان جانە باقىلاۋىمىزدا تۇر»، - دەدى مينيستر ۆەدومستۆونىڭ Facebook-تەگى پاراقشاسىندا «دەنساۋلىق مينيسترلىگى حابارلايدى...» دەگەن ايدارمەن جاريالانعان ۆيدەودا.

ونىڭ اتاپ وتۋىنشە، ادامدار اۋرۋ بەلگىلەرىمەن جۇگىنگەن كەزدە دارىگەر ودان مىندەتتى تۇردە شەتەلگە بارعان-بارماعانىن سۇرايدى. سونداي-اق ول ەلىمىزگە كەلۋشىلەردىڭ ساۋالناما تولتىرۋى مىندەتتى ەكەندىگىن باسا ايتتى.

«جالتارۋ، ناقتىراق ايتساق، ساۋالنامالى دۇرىس - تولتىرماۋ كارانتيننەن جالتارۋمەن تەڭ. مۇنداي تۇلعالار ايىپپۇل نەمەسە ءتىپتى تۇتقىنعا الۋ ارقىلى جازالانۋى مۇمكىن. ەگەر ادام اۋرۋ بولسا جانە مۇنداي تاۋەكەلدى بىلە تۇرا ساۋالنامانى دۇرىس تولتىرماسا نەمەسە كارانتيننەن جالتارسا، وندا بۇل قاساقانا اۋرۋ جۇقتىرۋ سانالادى جانە قىلمىستىق قۋدالاۋعا ۇشىرايدى»، - دەدى ەلجان ءبىرتانوۆ.


سوڭعى جاڭالىقتار