ۇكىمەت كوروناۆيرۋسپەن كۇرەسۋگە تولىقتاي دايىن
بۇل تۋرالى «حابار 24» تەلەارناسىنىڭ تىكەلەي ەفيرىنەن ق ر اقپارات جانە قوعامدىق دامۋ ءمينيسترى داۋرەن ابايەۆ ايتتى، دەپ حابارلايدى قازاقپارات ءتىلشىسى.
«وزدەرىڭىز جاقسى بىلەسىزدەر، بۇل ىندەت قازاقستانعا باسقا ەلدەرمەن سالىستىرعاندا كەشىرەك كەلدى. بۇل بىزگە كوروناۆيرۋسپەن كۇرەسكەن ەلدەردىڭ تاجىريبەسىن زەردەلەپ، ءتيىمدى تۇسىن پايدالانۋعا مۇمكىندىك بەردى. سوندىقتان، ۇكىمەت كوروناۆيرۋسپەن كۇرەسۋگە تولىقتاي دايىن»، - دەدى مينيستر.
وسى رەتتە ول ەلىمىزدە ەنگىزىلگەن توتەنشە جاعداي مەن كارانتين بيزنەسكە تەرىس اسەر ەتىپ، ەكونوميكاعا ۇلكەن سالماق تۇسىرەتىنىن باسا ايتتى.
«سوندىقتان مەملەكەت ءوزىنىڭ ءاربىر ازاماتىنا قامقورلىق كورسەتەدى. بيزنەسكە جاردەم بەرەدى. الايدا، ۆيرۋسقا قارسى ەڭ ءتيىمدى، ەڭ كۇشتى ءتاسىل بار. ول - ءار ادامنىڭ وقشاۋلانۋى مەن جەكە باس تازالىعىن ساقتاۋى. سوندىقتان، ءوزىمىز بەن جاقىندارىمىز ءۇشىن ۇيدە بولايىق. امان بولايىق!»، - دەدى داۋرەن ابايەۆ.