پرەزيدەنت كوروناۆيرۋسپەن كۇرەسىپ جاتقاندارعا سىياقى بەرۋدى تاپسىردى
«دەنساۋلىق ساقتاۋ مينيسترلىگى جانىندا COVID-19-دى مونيتورينگىلەۋ جانە ەسەپكە الۋ بويىنشا جەدەل ورتالىق جۇمىس ىستەيدى، وعان 21 - ناۋرىزدا بارىپ، جاعدايمەن تانىستىم. ونىڭ ىركىلىسسىز جانە ءتيىمدى جۇمىسىن قامتاماسىز ەتۋ قاجەت. بۇگىندە ءبىزدىڭ ازاماتتارىمىز - دارىگەرلەر، پوليسەيلەر، وزگە دە ماماندار الدىڭعى شەپتە جۇمىس جاساۋدا. ولار دەمالىستىڭ نە ەكەنىن بىلمەيدى، وتباسىلارىن سيرەك كورىپ، وزدەرىن ۇلكەن تاۋەكەلگە دۋشار ەتىپ ءجۇر. دەگەنمەن، وسىعان قاراماستان وزدەرىنىڭ ازاماتتىق جانە قىزمەتتىك بورىشتارىن تولىقتاي ورىنداۋدا» ، - دەدى مەملەكەت باسشىسى.
وسى رەتتە قازاقستان پرەزيدەنتى كوروناۆيرۋسپەن كۇرەستە الدىڭعى شەپتە جۇرگەن ازاماتتارىمىزعا شىنايى ريزاشىلىعىن ءبىلدىردى. «ۇكىمەت پەن اكىمدىكتەرگە كوروناۆيرۋسپەن كۇرەس جونىندەگى شارالارعا جۇمىلدىرىلعان دارىگەرلەرگە، پوليسەيلەرگە جانە وزەگەدە ماماندارعا 1 لاۋازىمدىق جالاقى كولەمىندە سىياقى تولەۋگە قوسىمشا قاراجات تاۋىپ، قامتاماسىز ەتۋدى تاپسىرامىن» ، - دەدى قاسىم- جومارت توقايەۆ.